家族大旅行 ~ 番禺長隆兩天團 (18~19 / 7 / 09) <Part 3>

落到大堂集合, 我地就出發去歡樂世界喇,

出面氣溫有成 37度, 又熱又曬, 真係人都癲呀!!

由於我地係住客, 所以就可以用特別出入口進出樂園,

入場時, 職員會為各人戴上一條膠手帶, 用來代表你係住客,

可以0係某 d 時段優先玩某幾個機動遊戲, 唔使同其他人迫 & 排長龍!!

不過, 我只係用左呢個優惠一次, 就係睇4D影院喇!!

一入到樂園, 大家就一齊去玩 [墨西哥草帽] ,

估唔到連媽咪同三姨佢地都玩埋一份,

唉……… 你地突然咁勇, 咁咪出事囉,

玩完呢個機動遊戲, 佢地幾個就話要返番酒店先喎,

入左0黎都唔夠半個鐘就叫走, 不過可能因為太曬太熱,

咁好啦, 點知原來媽咪回程途中突然暈呀, 而且仲嘔添呀,

好在當時爸爸即刻扶住佢, 三姨就不停幫佢搽油, 先至冇事咋!!

真係嚇死人呀!!! 我都係事後先至知咋, 嚇死我呀!!

媽咪同三姨佢地返左酒店, 許伯行多一陣都返酒店喇,

而六姨佢地同我地一齊睇埋 4D影院都返左酒店游水喇,

最後只係淨番我, 游生, 阿May同大佬四個人繼續玩,

嘻嘻, 其實唔算係玩, 只係周圍行行咁囉,

不過游生好勁呀, 竟然夠膽自己一個人玩垂直過山車,

佢話當係到此一遊囉, 話哂呢個過山車都係樂園0既賣點丫!!

返番酒店, 就去酒店入面間 [麒麟中餐廳] 食晚飯,

呢間酒樓都幾靚, 同埋都唔係好多人去食咋喎,