又要睇多次中醫喇!!!

今日放工, 我又去睇多次中醫喇,

游生今日放假, 所以佢就去幫我排定隊先,

咁我地就可以唔使等咁耐喇!!

阿醫師話今次0既藥要 [返渣] 喎, 要我飲多幾次,

咁好啦, 我地今次就試0下自己返屋企煲啦...

其實自己返去煲, 可以唔使限住時間去拎藥, 好似好 d,

不過就真係好鬼麻煩囉!!

我地即刻走去雜貨舖買左個藥煲,

買埋大快活就返屋企煲藥喇...

咦......... 陣味真係好勁呀!!!  好擔心呀!!

我好多謝游生全程負責哂整個項目,

煲藥呢個咁大0既 project, 我真係唔想挑戰呀,

但係飲藥呢一 part, 我不得不挑戰喎!!

我終於明白點解細佬之前食中藥, 望住碗藥,

飲極都飲唔哂, 誓願咁啦, 原來真係好難飲0架!!

我飲左半碗, 已經好想嘔喇,

d 0野0係個胃度就0黎反出來喇,

忍住, 千祈咪出來呀!!

我唔可以浪費游生 d 心機0架, 唔可以浪費 d 藥,

唔可以浪費煲藥 d 煤氣錢呀!!!!!! 

呀......... 頂住呀!!!!!!!