包包係五貓中嘅大哥哥,亦係米米心目中嘅偶像。初期我都唔察覺,但後來日日都見到呢個情景... 包包係邊度瞓米米都一定係佢身邊...   係米米心目中,包包飲啖水都與別不同,要望住哥哥...

今日係妹妹生日,佢5歲啦,大個女啦!  妹妹係啡虎班英國短毛貓,細細個就比Daddy係寵物店睇中然後帶左佢番屋企。佢天生細膽怕事,最鐘意chi住媽媽,所以成日比醋"情"王子包包狂打...

包包: 真係無陰公囉...我包包平日英明神武,係屋企話曬事,專門蝦蝦霸霸,估唔到落得咁嘅下場...真係無面見街坊囉 詳情請收看: 包包下水禮

好煩,最近五貓玩"爭寵"各出奇招爭媽媽,尿尿嘅尿尿,打交嘅打交,爭地盤嘅爭地盤,難為我要為你地善後... 各位大少爺大小姐,媽媽得一個,你地面對現實啦! 你地去爭吓爸爸啦,分散投資啦...

等我米米教大家生存之道~就係搶得快好世界啦... 1. 食魷魚絲要搶...   2. 米飯班主對鞋要搶(證明你愛佢)...   3. 洗白白都要搶(先),唔好理儀態啦,唔係趕唔切食第二餐就執輸啦...