網誌分類：我的2008 |
圖片
網誌日期：2008-11-17 01:34
朋友邀請出席明德醫院舉辦嘅抬轎大賽. 都係第一次聽有啲咁嘅活動! 原來都舉辦咗好多年啦! 有六十幾隊參加隊伍, 個個都扮鬼扮馬, 表情十足, 勁熱鬧又好氣氛! 最慘係要神早起身去山頂囉! 不過都值得喎! 朋友嘅隊伍扮功夫熊貓, 維肖維妙呀! 雖然比賽都包尾咁滯, 不過娛樂性同創意十足! 呢隊聖誕老人就無咩特別啦! 勁攪笑新娘子! 睇吓佢隻手大我幾多!! 我隻手都唔細架啦! 仲有英皇代表鍾舒漫, 負責坐係轎入面俾人抬! 醒目儀仗隊, 仲擺post比我影相添! 各大電視台都有採訪! 本人認為呢兩位哥仔幾靚仔! 哈哈~ 最後舞獅助慶, 都好精彩喎! 冠軍咪又係香港消防隊!
部分比賽隊伍. 睇嚟要係明德醫院返工英文就一定要頂瓜瓜先得! 咁嘈咁熱鬧, 又唔聽講有病人投訴架喎! 其實仲有好多嘢想影架! 不過張記憶卡滿咗呢!
