展開新工作！

好多謝大家已經幫我揭曉左我既新工作！冇錯！依雯已經正式o係NOW Sports工作喇！多多指教！著起新制服！面對新挑戰！我會努力做好D!剛剛的星期六第一日番工,面對新環境,可能太耐冇面對鏡頭,真係幾緊張！其實我都係好細膽！同埋我係典型既處女座,即係完美主義者！人地既意見我都會在意,但如果連我自己都唔滿意我就會好唔開心！會生自己的氣！結果第一日我就忍唔住喊喇！哈哈～真係好醜怪！好彩大家都好照顧我同幫我！特別係其中同我一齊祈禱,有同我分享心得！真係好多謝大家！亦多謝大家對我既包容同鼓勵！所以星期日我心情都好番好多喇！做幕前真係好大壓力！可能大家見到我出現一陣,但係台前幕後都做左好多o野! 真係"台上一分鐘,台下十年功！“ 剛剛脫去牙Cool,但係仲要戴住一個可以隨時脫既牙Cool,講o野仲係要重新集慣！埋位先除低,好狼狽！希望我既進步同成長,有大家見證！我個人有時就係太認真,可能會嚇親人！樣樣o野都有要求,會令自己個人好緊張！我真係知嫁！我有時真係連笑都唔講,埋頭苦幹睇資料果D人！其實我唔係扮Cool,只係我好想預備好D!不過一埋位就唔知做咩唔記得晒！哈哈～我個人比較慢熱！所以無論做model,定係番學,大家都以為我好Cool!我又唔想好假咁,咪做番自己law!不過熟左之後,我又好熱情,D Friend成日叫我唔好咁低B! Anyway,我會Try my best!