夜巡

與友人談及一些鎖碎的平常生活事, 覺得有些都跟我們很相似, 而且令我感到一種很溫暖的感覺...

友人說她十分爛瞓, 瞓著左就咩都唔知, 例如外面行雷閃電, 第二朝同事在談論時, 她都不敢作聲, 因為根本就唔知有落過大雷雨…她亦試過走廊響起火警鐘, 但她都沒被嘈醒, 更唔知有件咁嘅事…好明顯係進入左昏迷狀態啦~ 嘻這跟我老婆很相似呢, 又係瞓著左咩都唔知!

相反我就是一個超級醒瞓的人, 周圍有咩風吹草動, 我都會知醒, 試過有人係樓下鬧交, 我都會醒來八吓咩事, 這方面我覺得我好似貓呢!  其實屋企一定要有D咁醒瞓的人先至安全架嘛, 友人的媽媽就跟我一樣, 囡囡次次好輕輕力幫佢蓋被她都會醒。

友人說她雖然爛瞓, 但原來習慣左係每晚臨瞓之前, 會巡視全屋的煤氣電掣風扇窗口; 她會是全家最後瞓的一個, 聽她說還有不少趣事... 原來除了巡視全屋設備外, 她還很會照顧屋企人(尤其是哥哥), 例如: 哥哥訓著左未除眼鏡, 個枕頭響塊面上面, 開住個MP3瞓, 又唔著衫, 又唔打地舖, 有時份notes放響塊面上... 她說試過佢一路瞓一路幫佢著返件衫, 好似幫植物人著衫... (以上情況我都不時都會發生, 當然要我老婆善後啦 )

感覺到她屋企很warm啊, 那種感覺以前到亞佳屋企時都感受到, 一家人很關心大家, 在這樣的家庭長大多麼好... 同埋囡真係唔同d, 好照顧屋企人... 能做到妳的哥哥是多麼幸福啊~~