激死我喇

今日放左工返去諗住同dollar出街行下,個衰女包,激死我,未出去之前咁岩開左屋門喎,又咁岩對面屋又開左門喎,dollar好開心咁由鐵閘走入人地屋企,因為佢細粒所以佢入到架,佢衰女包我諗太開心喇,佢竟然係人地屋企尿尿,激到我死,好彩我地同佢地都好熟者,不過都唔好意思架麻.........唉~~~

之後就同佢落街街,真係好黑,今日個狗公園有個圍欄冇啦啦冇左,即係dollar有機走到出去啦,咪唔放得狗帶囉,但咁佢又好慘喎,咁我就照放佢,但自己就企係係個個位等佢出唔到去囉,但佢都係出左去,仲越叫越走,追左我9條街幾次呀......之後冇啦啦有個女人行入黎(佢係想行返出去過對面),咁dollar 就係咁撲去佢度喇,咁講真dollar又叫唔聽既,個女人就話我喇,攪錯呀叫唔聽,你叫唔停佢我唔行咁話,咁我就唔多鍾意,因為佢聽唔聽話唔係我控制到架麻,或者我真係教得唔好......但我又嬲嬲地咪同佢講,呢度狗公園黎架喎,係比狗玩既,如果係驚狗或者唔鍾意狗你可以由出面行過對面,你見到有狗入得黎就預左可能會咁架啦,或者你可以行快2步囉,佢堅持唔行囉,之後我話我叫唔停佢都冇辦法,我個陣又捉唔住佢,之後佢先出去,咁講真,我係教得唔係咁好,但我覺得呢度明明係狗公園咁佢講到有狗好似好有問題咁~

不過我今日最唔開心既唔係呢樣野,而係我發覺dollar同其他狗好唔同,其他狗好跟主人架麻,佢一d 都唔跟我都唔緊要,而係佢好好好鍾意跟住d陌生人走呀,呢個我覺得好大問題呀,佢成日想走咁,好鍾意人地咁,有時我好想知點解,而且佢好似比較難教咁,鬧又唔得打又唔得,唔理佢都唔得,因為佢好似好獨立咁,可以唔洗理任何人咁,出去玩時,佢唔同狗玩架,只係自己坎埋一邊咁既,其他狗狗一叫佢好多時都返,如果唔見主人都會搵,但dollar好似唔會咁架~仲有,到而家佢都未識自己去廁所架,好多時都激死我架,我成日比佢玩返轉頭架~~

同佢傾計佢又伸個頭入d毛巾到話我知我好煩叫我唔好阻住佢訓咁,幾鬼串呀

叫佢唔好尿尿係地,轉過頭佢就痀左係地仲走過黎好開心咁搖哂尾,真係比佢玩死

雖然我點樣都會咁錫佢,不過有時都好想糾正佢呢d問題囉~所以一直都諗緊辦法呀~

可能我又唔夠惡呢,佢都唔聽我講野咁既~

之前一直唔諗住training,因為覺得好貴,但而家我真係要考慮一下究竟係咪要training一下,不過唔知真係有冇用~有冇blog友試過呀?