北上Heaaaa之旅 - 勇闖野生動物園

早在兩個月前已經好想帶包包去長隆動物園! 亦計劃了同好友同行.....不過, 等了又等;  约了又約......都未能成行。。。

今次夾啱天氣、時間、地點......點都要玩番轉啦~! 有見包包平時書本上∕DVD(YBCR)裡學動物就見得多了! 趁住好機會想佢親身接觸吓、觀賞吓、嗅吓包羅萬種嘅野生動物~!

太婆真係交逰廣闊咯~  早早就搵人幫我哋買入場票+大馬戲票, 仲安排相熟司機揸車接送我哋一家三口去動物園門口。由屋宛去動物園只需30分鐘車程, 包包全程都大覺瞓 (難度知道要抖足精神?)

因為怕帶住包包, hea唔到一日喺動物園, 但又唔想放棄睇大馬戲。最後選擇2點幾才到達! 我哋先由南門入口入場....(其實原來由北門入場, 走時遊到去南門搭穿梭巴士去長隆Hotel方便好好多架!!!)

↑包包: 『呢度邊到哩架?』

↑mami:  『媽咪要帶您上一堂自然科啊~』

入場後見到一班班內地小學生正在秋遊, (諗落都唔錯, 書本上學到嘅嘢,  都唔及實地考察嘅好.....)

剛入場不久, 就有一羣嘈吵嘅不同鳥類! 似係歡迎我哋喎.....

沿途開始見到不同動物 (完全冇鎖鏈鎖住架)!

想親親/抱抱老虎仔.......盛惠RMB30吖~

睇咩咁入神? 吸引我哋同班小學生呢??

駛唔駛咁串呀?! 猩猩大哥.....

仲好似知道咁多人圍住佢, 好囂張咁耍2吓功夫過你哋睇~~

↑猩猩: 『想睇多d我表現或者想同我影番張靚相.....盛惠RMB30, 好抵架!』

一般嚟講大部份動物都幾可愛既, 不過呢兩隻惚惚都算得人驚囉!!!

唔行近d睇清楚都唔知係垃圾筒囉.......好攪鬼~

由於入場時工作人員不斷提醒我哋, 最後一班坐小火車進入"野生動物區"遊覽為時間16:15。 於是不容有失 (確實呢part先係成個動物園最精采主題)! 急急步行....終於見到架坐滿人嘅小火車.....最搞笑佢哋問如果分開坐有冇問題呀?! 吓~ 梗係寧願等下一班最後一班啦!!!! 心諗;「咪玩啦....唔通要daddy坐第一卡; 我同包包坐第五卡咩!!!」 仲好......比包包义义電、飲吓奶~ 之後只係等咗20分鐘就有另一班小火車啦~

就係呢架小火車載我哋遊四個區別! 等大家幻想吓至身於非洲之中~

第一次帶包包咁近距離接觸動物, 佢都好似好興奮呢!

GO~ GO~ GO~ Yeah~~

daddy要努力影、影、影; mami就負責同包包講解不同動物

有駱駝、鹿、狼、犀牛、羊 & 班馬

有等緊食嘅黑熊、棕熊

有亞洲象........(下圖)大象下面仲有隻剛剛出世兩個月嘅BB象啊!

睇到包包已經相當投入啦

接住再見到白老虎之後.....令包包情緒推至最高峯

High爆地不斷扮老虎乸咆吼.....

再有萬獸之王懶洋洋的獅子

最後, 終於到最令人期待嘅長長長頸鹿出場喇~~~

車程大概40分鐘就完結

離開小火車後, 再沿途走走......見到個清靜嘅湖邊! 知包包盡興未消, 抱佢落去比佢跑跑跳跳.....

呢期like扮動物叫聲, 見到天鹅當然唔例外,

不過誤當係DUCK, 不停: 「鴨........鴨......鴨.......」

包包:「daddy辛苦晒你啊......不停幚我哋拍、拍、拍」

其實應該一早預料到大陸地方一向唔"好"夜生活!!! 但都估唔到只係5點鐘, 成個動物園就變得"靜應應"......行成段路都可以人影都冇隻!!! 越行越唔對路, 再問問工作人員, 原來最後一班去長隆Hotel穿梭巴士就快開出!! 又要急急行返南門趕車喇!!!!  唉哎~ 我哋仲有「白虎山、澳洲區、樹熊館、袋鼠館......」都未睇呀

晚上選擇咗Hotel入面嘅"彩蝶谷" dinner。 餐廳仲有晒中、西、日、泰、越菜任你選擇.........味道、品質唔錯~ 價錢.......同香港差唔多吧~

食飽飽後, 又再坐穿梭巴士趕往欣賞7:15大馬戲!  呢個時候....包包已經疲到瞓咗啦

個幾鐘嘅大馬戲好精采呀~ 完全冇冷場~ 未睇過嘅絕對值得一睇~! 只可惜.....包包瞓足全場, 一眼都冇望到 (佢真係攰到咁鬼嘈都可以瞓得咁稔喎!!) 直至返到太婆度先瞓醒咋!!!!

非常開心、滿足.....但未完全盡興的一日遊......說到底因為動物園內有好多都冇時間欣賞!! 有機會都要帶包包再嚟見識一次 (不過一定唔會夏天), 最好時機係出年返學後, 可以活動教學呢~