北上Heaaaa之旅 @ 深圳

呢五日四夜trip, 實在........來得十分嗆咄啊

話說十月頭, 與朋友做裝修的友人傾談開想將屋內厠所、廚房水喉換掉! 因發覺每日第一次開水喉水質都顯得微黃 (心知因日積月累出現生銹情況)。想得到長久水質改善,  瀘水器都係其次,  再加上聽說如不及早更換怕情況會越嚴重越難搞! 

於是見友人月尾有十日八日擋期幫忙拿拿臨搵人開工。起初只想是小工程換晒舊喉就算吧!!!!  之後得知水喉位要經廳處走, 最後把心一撗, 順勢換埋全屋地板..............頓變大大大工程呀

                             

為咗避開烏煙漲氣嘅家, daddy、 mami急急攞1 week annual leave帶住包包北上避難~! 只可惜留下可憐包婆婆看屋兼要暫住舅婆家啊!!

 

『27/OCT ~ 北上尋歡篇』

今次有機會帶包包第一次返內地呀!! 事實上, 被在內地工作嘅包包舅父投訴太多次, 唔帶包包上去探佢哋!!!  於是決定第一站去舅父家, 搵吓杏喬表姐同正良表弟先~!

 

↑包包: 「出發喇~~~  我第一次用回鄉卡北上咋..!」

↑包包: 「咦~ 原來mami帶咗"你"嚟陪住我呢個旅程呀..?!」

↑包包:「係我至愛嘅"毛mo"啊~!」

 

平時兩公婆都會同d朋友上嚟食吓嘢、買吓嘢、按摩吓, 不過你話好酷北上消費咩?! 又唔係.....只係久唔久一次而已!

帶住包包再加埋拎住幾日行裝+戰車, 確實好喱hea~!!!  好彩.....包包舅父上午在東莞見完客, 下午不用再回公司, 有空駕車來羅湖交通樓接我哋一家三口, 方便很多, 不至於太輪盡咋~!  而且有個地頭蟲帶我哋去玩, 真係爽好多!!!

 

一向十分痴我嘅杏喬表姐, 知道我哋會嚟, 早早已落order要我呢個姑姐接放學啦~! 之後包包舅父話要帶我哋去一度好好玩嘅地方 (係小朋友覺得好玩喎)~! 原來深圳呢度都興playtown架喎?! 呢度叫做E-kids Island位於金光華5/F, 大人不用收費; 小朋友就每位RMB50, 價錢合理啦....(如果冇乜人嚟玩嘅話!)

 

呢個Playtown周圍都充滿童話式架~!

 

唔駛問, 包包去到門口見到已經相當興奮啦!!

要同表姐兩個玩花式表現.....

再逐一闖入每個主題激玩, 先玩大汽球彈床

跟住杏喬表姐又拖住包包入波波池玩

呢條有水流嘅sir滑梯都係第一次見

連mami都覺得好新奇啊!!

 

見到寶貝囡玩得high ,  mami 都好開心呢~~

想你玩d靜態活勤, 唔想你走嚟走去, 乘機我哋都要抖吓.....

daddy諗住叫包包坐定定疊積木, 不過....玩唔夠2秒就閃咗啦

 

快快咁閃埋一邊以為你仲乜啦?!

原來你又作出一貫豪邁嘅作風!!!!!!!

↑包包: 「咦吔! 著住對襪玩.....巧唔舒暢架嘛!」

 

我哋不停玩、玩、玩; 拍、拍、拍........包包舅父舅母沒有陪玩,  坐埋一邊嘆cake~!!! 咁.....就順便幫包包看住對襪吖!!!!! 唔該~~~~

呢個菠蘿樹好似幾好玩, 但有d難度喎!

哈~ 包包未夠力, 當然挑戰失敗啦!!!!

玩咗差不多兩個鐘喇.......

最後影番張合照走人喇........攰~ 爆~ 呀~~~~~

 

晚上舅父帶我哋返去屋企附近食地道四川菜, 真係又便宜又好味呢~ 不過碟碟都辣、辣、辣呀!!!!