6.28 Boat Trip の 黑色星期日!!!!!

2009年6月28日 (Sun) 早在個幾月前已計劃是次船河之旅! 事前完全沒法預料到天氣好與壞! 誰知出發前兩日又正正遇著三號風球, 心想....唉! 就算打風唔成都三日雨啦! 但都冇計一早安排好晒, 唯有聽天由命吧!!!!!!!!

其實我有諗過天氣唔太穩定的話, 唔會帶包包去架! 不過出發前一日包婆好即興咁已北上了, 冇辨法+逼不得已之下, 唯有帶埋包包去啦!

今次係包包第一次出海游船河; 第一次海水暢泳呢......好緊張~~ 又興奮呀~~! 原本今次Boat Trip包包都有伴, 還有二位小朋友出席架......不過又係因天氣影響, 佢哋臨時甩底,冇跟父母同行啊!

當日早上九點幾鐘喺西貢碼頭集合, 我哋一行廿幾人「在無懼風雨的一天」出發lu

是日包包出海沙灘look全面睇......夏老威裝踼住人字拖

喺船上面冇乜嘢好做, 最好時機同包包不停影相留念, 等佢大個時睇番自己16個月大時就已經第一次出海喇

warm up......ing~

「daddy、mami, 幾時先落得水玩啊?!」

唔通見慣大場面?! 唔駛點warm up包包就己經當咗自己去咗遊樂場, 想四圍走........

「契爸, 仲乜比你頂帶到出晒汗嘅帽我帶wor!!」

又忽然擺出呢個咁誘引嘅pose   (hehe...比我手快影到)

喺船上面如果唔想佢四圍走, 但又想放低佢的話, 最安全、又方便嘅方法, 就係....開個水床困住佢俾佢慢慢玩

「嘿嘿~~ 做咩攻擊我........」

「好彩我都唔弱.....揾番件水鎗武器旁吓身先」

「yeah~ 準備定我個私家水泡袖先」

是日包包興奮程度......爆晒燈呀

一個旱上雖然冇乜陽光, 好彩冇落雨, (但之後一個下午就落過不停囉)! 個幾鐘船程後, 船家鎖定了一個小島沙灘可以俾我哋上灘玩, 部份人可留待船上輪候玩香蕉船/Wakeboard。有見包包望住大海極之渴望玩水模樣, 又見天氣尚算好天.....於是乎我哋一行七人帶備行裝所需物品, 抱住包包乘坐快艇上灘玩番轉~~~

船家一早知會有小朋友, 所以佢都好好人....既唔開得太快之餘, 亦都儘量靠近岸先比我哋落船。當落船嗰刻抱住包包, d海水都只係到我膝頭位置! 但就喺各人奔上灘嘅呢個時候..........突然有少巨浪從後湧上, 跟住見老公一支箭狂奔向灘, 心知不妙.....心想:「唔通連個天都要玩我?!」, 老公打開手上拿著袋內嘅相機............

oh no~~~ 部D90濕咗咸水....就此報銷了

老公肉赤地慨嘆...唔發生都發生咗!!!! 直到下午時份暫且忘記傷痛, 繼續水上活動吧。而我.....都係陪包包喺船上面玩、食、瞓算罷啦~ (今次要特別讚一讚包包啦.....全程非常之乖+合作......既肯食嘢; 又肯坐BB車; 仲肯陪各人玩..........交足功課呢, 抵錫~~~)

雖然老公都無怪責我, 但就係咁先令我非常內疚啊..(事關佢有話過「不如唔好帶相機落船啦」........都係我要求要拎囉)

臨走時嚟張大合照

*          *          *          *          *          *

不過世事就係咁峰迴路轉.......玩完回到家中, 老公正準備搵番d保養書待第二天維修之際, 同時亦發現份《安心保》, 原來一向穏陣派嘅老公買機時有額外+1xxx買份保險架,(點解唔一早醒起呢?! 攪到我失落大半日)!

最後, 而家仍然等待保險公司回覆是否能夠賠償, (聽番d過來人講, 能成功claim到嘅機會都好大! 因為始終保險唔同保養, 理應包意外損失), 聽到後個心都安慰少少......."希望能成功claim到啦"