再戰沙灘@黃金沙灘

2009年5月17日 (Sun)  經過上次去完南灣之後, 絕對相信包包極喜愛+enjoy呢項活動!! 今次約同一班朋友仔, 揀選咗黃金海岸沙灘一齊暢玩, 包包唔駛咁悶喇!!

今次目的地對我嚟講相當遠水路, 仲要得我單拖帶包包赴會! 全靠細心嘅妹妹媽專程來我家樓下接我兩母女, 等我可以舒服順利到達......麻煩晒哥哥妹妹daddy啊!!

出席嘅朋友仔計有蠶蠶、豪豪、細細個、哥哥、妹妹 & 包包

是日天氣陽光普照, 仲非常炎熱! 好彩蠶蠶媽已預先為我哋搵到個樹陰處靚位......「正」~~

想佢哋齊人乖乖影幅合照?? 諗吓好啦......

炎炎夏日......包包當然要著番件sexy biniki, 大派冰淇淋啦......wahahaha

蠶蠶爸帶埋私家水池分享比小朋友玩, 仲不停又不停fill水......勞煩晒蠶蠶爸啊! 包包玩到成身濕哂.......出水芙蓉照暴光

好難得同到唯一女同伴妹妹排排坐玩沙, 因為妹妹愛水唔愛沙......長時間同daddy出海玩水~

包包呢日全程非常投入 + 自得其樂 + 自我陶醉咁乖乖坐定定玩沙.....大概應該係知道冇daddy同行, 唔想mami太辛苦呱.....又可能唔夠瞓, 冇energy四圍走!!!

就喺呢個玩到忘形嘅時候......! (可能佢見食住珍寶珠嘅Ian哥哥, 先feel到自己都有少少肚餓)

噢~仲乜將d海水 + 沙放入口呀!!! 來不及阻止, 已經飲咗幾啖海水了

*          *          *          *          *          *          *

事前都有擔心同包包冲身時會好厘hea! 好彩有豪豪媽, 山長水遠幫我哋各人買個喛水袋, 等d小朋友有暖水冲身, 仲有埋花曬頭位架.....非常方便!!

玩咗兩個幾鐘就走人......走嘅時候, 又要唔該晒蠶蠶爸車我返屯門99樹啊!!

下次我哋要再攪過去beach先得!! 不過一定唔會再嚟呢個囉.....同意蠺蠺媽所講「水唔清」「沙唔幼」仲要「人又多」.........實在同港島區沙灘差太遠喇!! 除咗南灣推介之外, 仲有大浪灣、石澳、龜貝灣都係唔錯選揀!!