Janice's 1st Birthday@迪迪尼 - Part 2

趁住包包未有睡意, 拿拿臨去排隊影相先~

首站拜訪 - 「高飛」

見到熱情如火嘅高飛......包包似乎都相富受落, 任意比佢親親錫錫~

仲要開心到自動波拍手掌

今日人唔太多, 排隊等影高飛只需大約用咗10分鐘時間, 仲比我哋影咗好多張tim.....

第二站拜訪 - 「Winner the Poon」

面對住怕羞嘅Poon Poon......包包興奮程度相對減少~

亦只需用咗15分鐘時間, 可以同Poon Poon影相......但包包沒乜表情囉~

第三站拜訪 - 「Mickey & Minnie」

等候期間, 包包又主動撩排前面嘅姐姐

包包離遠見到已經開心到不得了! 等咗大約25分鐘時, (佢哋受歡迎程度可見一班),  Micky & Minnie即上前逗佢玩~

等咗咁耐當然要影多幾張先走啦!!

玩咗幾個鐘, 知道包包開始有睡意......但係佢仍然唔願瞓, 於是我哋決定..........

去一轉- 「米奇3D影院」~

「點解我睇乜都黑嗎嗎架?」

「你係邊個??! 我睇得唔清楚」

包包第一次入影院......開頭都有d擔心如果熄晒燈後, 佢會唔會驚而又扭計! 好彩全程佢帶住眼鏡都睇得好投入......其中有一幕比Donald嚇咗一跳都冇扭計........抵讚~~~

果然不出我所料!!! 睇完3D出嚟, 包包急不及待要搵周公子~ 查實佢都攰到反晒艇架喇, 終於都肯眠一眠!!!!

日落西山下~ (photo by 老公)

因見包包已入睡, 再加上晚上要跟包包爺爺、嫲嫲食飯, 煙花還未睇就要走lu....唯有下次再來過啦!!!

臨走前, 大街遇見Pluto, 冇乜人排隊......"正".......Pluto同包包緣慳一面!!

特別嗚謝: 契爸樂意地充當我倆的左右手

最後daddy 、mami要祝寶貝囡包包「健健康康~

                                         開開心心~

                                         聽聽話話~」