這。。。一個月

在學校捱了整整一個月，點解要講捱，因為呢個月，無網絡，無錢，無乜課，仲好無聊，不過最大得益系，讀咗咁多年書，終于覺得學校嘅圖書館系一個好大嘅寶庫，咪幾乎日日都去圖書館燻陶咯～～～試過一日坐係度睇書十個鐘，我都珮服自己啊！！！

仲有一樣嘢好好玩，就係調cocktail啦！雖然節節課都睇老師調，自己都手癢癢想試下（試過一次比老師話我浪費酒～～)不過其實根本時間好少，無得比學生自己試，唯有等考試個陣先嚟玩啦。。。試咗好多种cocktail，知道下次去bar唔應該再order牛奶，應該試下D cocktail，例如pink lady都係一個唔錯嘅選擇～～

呢個月同啊FA過咗澳門，慘烈的小FA，自從嚟彿山唔見咗部手機之后，去澳門又狂洗四位數字，現在真係一貧如洗啦。。。諗住做陪客嘅我比啊FA拉咗入一間錶行之后，買咗呢隻錶，我都為澳門經濟投資咗四位數字啊。。。不過我好中意隻錶，啱晒遲D翻工戴，夠晒優雅啊！

呢個月，祖國發生大件事，每次去圖書館睇報紙見到D不斷上昇嘅數字就會好痛心。亦好無奈自己做唔到D咩，捐多多錢嘅善長大把，去災區做誌願者嘅有心人大把，每日睇報紙睇到眼濕濕都唔知有咩意義，好憎自己，明明擁有AB型血，點解無勇氣去捐呢！！！

Let it be！人生要繼續，接下來我嘅人生將會有變化，是喜？抑或悲？希望心情永遠唔好受影響。想念遠在美國的YOYO同豬仔，想念不在身邊的爺爺嫲嫲公公婆婆，想念在各個地方食過的美食，想念兒時的玩偶，想念寒冷的冬季，想念以前的短髮。。。。。。人生變化了，我會想念現在無聊的日子嗎？