網誌分類：未分類 |
《站在海與陸地的邊界線》 - “高不成, 低不就”
你知道甚麼是 “高不成, 低不就” 嘛? 我聽過一個o係外國讀書回流香港既人講過, 佢滿有熱血地向某公司管理層推介自己, 對方劈頭就說了這句話, “高不成, 低不就, 你是不行的”. 用實體去形容這句說話, 好比一個沒反應的地鐵入閘機, 你滿心自信地跨步通過這入閘機, 你相信面前的新世界很快就是屬於你的了, 卻狠狠地被閘機撞上一面臭屁, 你發覺那地方根本不需要你. 這時你環顧四週, 發覺附近很多人, 他們原本就知道閘機是過不了的, 卻沒出聲.
在外國人的地方讀書、生活、工作, 你看過的比其他人多, 你的外語說得特別流利, 你是大學畢業生, 你在外國某集團工作過一段時間, 你相信你前途無限, 比起那些把英語說得一塌糊塗, 眼光淺窄得只是懂深圳是甚麼地方的香港年青人, 根本不能相提並論. 由低做起, 你不甘平凡, 比個高位你坐, 你又無咁既能力, 倒頭黎只會恨恨跌一交, 閱人無數既高層呢一句, “高不成, 低不就”, 可能係最痛, 但係最真既說話.
《站在海與陸地的邊界線》– 才非傲
你有無o係車廂遇過一D年青人, 雖然佢地全部都係中國人, 但係就用英文溝通, 大聲講大聲笑, 好似以為身邊既人完全唔會明白佢講乜咁, 當時你會唔會諗, 車! 扮晒野, 擺明係識講中文, 又偏偏要o係大停廣眾講英文, 目中無人, 呢D人梗係以為自己叻D啦!
憎人富貴厭人貧, 係香港人既特徵, 有呢種態度原因係黎自心底裡面, 一個中國人身處英國殖民地時留低既自悲種子, 排斥同自己異常既人, 呢個係人既本性.
但假如你o係國外讀書、長大 返到黎香港, 你又有無試過係明明可以講中文, 但又o係公眾場合刻意咁講多兩句英文, 大力D去捲條利發個R音, 令自己有一種鶴立雞群既虛榮感呢?
對於o係國外社會長大, 剛剛回流既香港人黎講, 一個有形無實既故鄉, 香港, 係一個陌生地, 對成長地既思念, 加上對陌生地缺乏安全感, 你會好自然地意圖將自己同周圍既人區分, 努力咁搵返一D虛無飄渺既安全感, 其中一個方法就係將英文掛係嘴邊, 去外國人去既地方, 同外國人做朋友, 不過其實好快你就會發覺, 你就係你, 無論去到邊度, 都無需要刻意修飾.
"FUMADOR"~la vida es sin sentido en Melbourne 2009-09-23 22:02
庭少 我好有共鳴ar