華東六天團.part3.

20號一早我地起身收拾好晒所有野.離開民宿.出去影相同吃早餐.

餛飩+嘉興種+茶葉蛋=早餐.

多謝阿吉既背囊.令我旅途愉快.增加了安全感.點解.拿得野多咯.

西塘就係那麽一個小鎮.比烏鎮好既就係因爲嘉興太大喇.可以發展既地方好多.所以政府唔會將注意力太集中係一個水鄉裏面.相反去到大城市.而烏鎮就唔可以.政府重資將烏鎮水鄉發展.反而商業氣色大大加劇.所以.如果要感受水鄉既味道.快d去西塘.因爲我估計.一個城市要發展.好多落後既野都會改編.而西塘都唔例外.必然會趨向城市化商業化.到時再去住就無意思嘎喇.

跟住我地打電話俾車我地入黎既人車翻我地出去.原本計劃係坐車翻杭州既.但係本地人話我地聽.坐火車更快更平.呢個時候.我發現.其實出到去玩.國人既說話其實都係可信的.距車埋我地去火車站.剛好有班車.我地就買票上喇.經過一個小時火車.打游擊穩位子.注意嘉善上車係沒位坐嘎.要自己穩.我地翻到杭州.跟住我地直沖全杭州最好吃既餐廳.外婆家.

杭州街上好多名車.波子.法拉利.瑪莎拉蒂.等等.但係唔好俾距地嚇到.以爲杭州人真係好有錢.其實華東人.最要面.有一百萬都會拿九十九萬出黎充撐場面.所以.禮貌待人.唔好爆粗見到好多靚車.

外婆家坐落某一高級大樓裏面.你睇.

某牌子旗艦店都係裏面.

排左一陣間隊終于有得吃.不過最想吃既東坡肉好似傳聞感一早賣晒.我顧唔上影相.醫肚為上.待續.

tips:住民宿記得要講價.

去外婆家一定要早.因爲真係超多人.而且超好味道.唔需要驚價錢.因爲真係超平.而且你有某建設銀行卡.大眾卡都可以打折.而且最好係網上申請杭州旅游優惠券.建議5個人點8個菜.哈.