華東六天團.part5.the end.

最近有d忙.宜傢更新.跟住我地打的去西溪濕地.

濕地其實個個景都差唔多.主要係我地黎得唔係時候.

係濕地上面坐船係唔錯的.唔使行又唔會蕩失路.

本人獨愛.但係俾人話心境老.寂寞喔.

跟住羅viko.vinson去黃山.我同alvin.華麗去蘇州.兵分兩路.當然我地聽日先出發去蘇州.宜傢先翻杭州醫肚.捻黎捻去.都係去翻外婆家吃.因爲平靚正啊嘛.不過呢餐飯足足等左我地兩個半鐘頭.

我同alvin等到頸都長.都未有.

第日一早.我地去左出名既知味觀吃早餐.

5元白粥.竟然有超多干瑤柱.厲害.

跟住我地係杭州火車站打大巴去蘇州.用兩個鐘頭到達蘇州.打的去比較著名既山塘街.同我地一早book好既青旅.50元一晚一床位.同杭州設備一樣.唔錯.

晚上我地去左觀前直街.比較繁榮既市中心.

果晚凍到乜感啊.

第日我地訓到自然性.退房離開山塘街.

山塘街一角.凍得有d蒼茫.

估唔到華東我吃得最多就係臭豆腐.好味.

我地黎到拙政園.門票四十元.無意思.

蘇州博物館係隔離.不過無開.

拙政園.無論景點導游講到如何天花龍鳳.我都覺得無乜野.一個係審美疲勞.一個係真係唔識欣賞.

趁小賣部工作人員去厠所.我同華麗即刻上演呢幕.哈.

離開拙政園打的到蘇州車站.達20分鐘火車即到無錫.係市忠心逛左圈.因爲落雨.所以我地都急急腳去機場.

廣州.我翻黎喇.10點半我翻到廣州.

tips:去西溪濕地前一定要先cheak好季節景觀.最好等到蘆葦成長晒先去.唔好好似我地感.乜都睇唔到.就係黃色一片.

杭州可以轉戰黃山.而且比較方便.值得參考.

蘇州推薦住山塘街青旅.夜晚好靚.都係小水鄉而且.青旅唔差.性價比高.

去到蘇州一定要去澡堂感受.俾10元叫人幫你擦背.真係好正.

去到蘇州除左拙政園值得外.其他無必要去.都係大同小异.個人觀點.