新電話

1. 今日我又做左樣敗家的事, 就係走去先達出左部新電話.

2. 買野總可以俾個原因自己, 我今次的原因係 -- 我想換番部有相機功能的電話, 咁就可以好方便咁, 隨時影低d 得意野, 方便寫blog 用嘛.

3. 咁當然, 呢個係其中之一唧.....其二咪係....我玩厭左部舊既, 想換部新既囉

4. 其實我未去到先達之前, 都係心大心細, 未揸定主意話出唔出架.  反而Candice 就話想出部新的, 佢好似determined 過我喎~

5. 去到先達, 目標就未搵倒, 但係驚見iPhone 已經拆鎖成功, 仲有埋中文版. 

6. 不過價錢最平都要4600, 自問冇咁既財力去做潮人, 算啦, 望下止下渴啦.

7. 其實我自己set 左個bugdet 俾自己, 大約係2000 蚊咁上下....不過好快, 我就發覺2000 蚊咁上下的貨色, 我根本睇唔入眼呀....

8. 於是乎, 就轉移向再高價的一堆電話埋手喇.....望下望下, 不如揀部PDA phone 囉...貪佢多功能嘛

9. 行多兩行, 俾我搵倒部Softbank 的X01HT, 日本機, 但係拆左鎖, 用倒中文版....最平價位3080.

10. 心諗, pda phone 呢個價位都算係中下, 其他新少少的model, 都要去到四千以上喇....

11 呢部機, 有200百像素鏡頭, 有GPRS....都幾好丫.........

12. 用我部M600i, trade in 950 蚊, 卒之補左2200 倒, 就有新電話到手了....

13. 但係唔知點解, 我一拎住部電話行出先達門口果剎那, 我就即刻後悔我太衝動了....咁又冇左2000 幾銀...咪當慶祝國慶囉...

14. 唉, 今個月, 要節衣縮食喇.....

就係呢部喇....其實....都幾靚仔丫~~