1128@銅鑼灣「新金鹿茶餐廳」,遊「電車」河

2008年11月28日 星期五

今日去左港大返工(其實個位置係瑪麗醫院既醫學院),
雖然陽光普照,但係就好大風,好彩我地係室內,唔係就凍死都似,
不過食飯就無咁好彩了,皆因室內既餐廳,食個午餐既價錢同食
晚餐既價格無分別,於是就去左一個露天茶座,一邊食瑞士雞翼飯,
一邊食西北風,所以搞到勁飽,哈哈!

食完見未夠鐘,就係附近既涼亭坐左一陣,望出去係海黎既,
仲要一望無際個隻,令我身心舒暢呢!

返左工要去銅鑼灣,等左都幾耐先有車,以為好快可以去到啦,
點知架車係勁兜路既,成個鐘都去唔到目的地,都真係
痴孖筋的,搞到D朋友仔等左我好鬼耐,真係唔好意思!

之後我地去左茶餐廳食晚餐.......

新金鹿茶餐廳


墨魚丸魚蛋金邊粉


魚蛋湯米粉


紅腸餐肉通


豬扒

跟住走左去遊「電車河」,好耐無搭過喇!


Susanna,Watkaka 與我