側田@0829「Haji vs Mini - A Virtual Reality Debut Show 」嘉賓、太子「八方雲集」

2008年8月29日 星期五

同友人去左太子一間新開業不久既食店晚餐,呢到係主打餃子既,台灣過江龍黎既........


招牌水餃--並非隨湯而上的餃子,不知是否這原因,以致不太夠熱呢!不過味道不錯,蘸醋吃之更佳!


(左)招牌鍋貼(右)黃金咖喱鍋貼--外皮煎得帶點脆卜卜的,內裡是椰菜豬肉餡,椰茶仍保留了爽甜,咖喱那個其實只是加了咖喱汁在內,對於唔食得辣既我黎講,都真係幾辣,不過嚐辣者應該會愛死它!

食飽飽之後,就一齊去左中環既Backstage樓下,因為阿田今晚會擔任「Haji vs Mini - A Virtual Reality Debut Show 」既嘉賓,去到唔見任何動靜,在場內的朋友都未見阿田黎到........

等左唔知幾耐,阿田終於黎喇!!佢一落車,半行半跑,幾乎係衝入去!

我地:「Hello,阿田!」
田「Hello,嘩,我超級遲大到呀!」
我「哦!!咁唔阻你喇,一陣見!」
不過佢行到入去個大廈未有Lift,佢望番出黎.......
田「你地唔上去咩?」我擰頭.......
Fans「xxxx (Fans名)個D係上面呀!」
田「哦,好呀!」
之後阿田就上左去喇!

個Show完左,D人開始落黎喇,阿田亦同一大班人落左黎!佢指住一個女仔話係唔知邊個星既妹妹,不過我聽唔清楚係邊個呀!哈哈!
之後阿田向前行........
我「阿田,可唔可以到你影相呀?」
田「好呀!」

之後阿田要上車喇!
田「拜拜,拜拜,演唱會見啦!」
咁快講到去十月?九月都未過喎,老友,你係唔係心急在D呀,XDXD!