側田@0803「農夫舉高隻手演野會」

2008年8月3日 星期日

夜晚七點幾去左九展,博下阿田會唔會去睇農夫個演唱會啦,
等到八點左右,都唔見有可疑車輛,正當估計緊阿田
會唔會出現時,就收到風,話有人見到阿田已經入左場.......

等左一陣,收到sms,Sayumi行左去前面同阿田講野呀,佢同阿田講,我地頭先係下面等佢,阿田個樣係好出奇,之後同阿田講,Christo同Hazel個D係下面等佢,阿田可能一時以為係「Crystal」,竟然反問「邊個係Christo?」超級勁攪笑呀!!!不過今日最正既,莫過於係阿田用左我地送比佢既「RUN-DMC」袋,知道左之後,真係勁開心呀!


阿田放個袋,都寧舍特別過人,相信無咩邊幾個會放係自己對腳前面,唔會阻住自己架咩??

等到十點半左右,突然見到遠方有兩個人行緊出黎,由於兩個都係成身黑色,所以一下子認唔到果個係唔係阿田........望多兩望,就肯定係阿田喇!

我「阿田.......」
田「Hello!」

我「阿田,你用左個RUN-DMC袋呀!」
田「當然用啦!」阿田既語氣類似「Why not?」個D tone.......
田「頭先我衝左上台呀!」
Hazel「你上左台?」
田「係呀,彈左上去!」哈哈哈,超好笑囉,彈左上去!



今次係Susanna負責影,阿田望緊鏡頭準備影之際........
田「咦!你剪短左頭髮喎!」
Susanna「你又知既?」


記得之前有某位唔識既人的Blog,話阿田去左睇Hello Kitty,呢個真係夠晒搞笑,仲要岩岩我地影相既背景係Hello Kitty,真係夾埋都無咁岩呀!

影好晒相,Hazel同Kenny比禮物阿田........
我「阿田,可唔可以揹住個袋影幅單人相呀?」
田「哦,好呀!」
本身個袋身係發左去後面既,阿田擰番佢過黎,之後仲要搞笑到指住個袋黎比我地影,勁似賣緊廣告呀!勁鍾意阿田呢D出奇不意既動作,超級正!

勁鍾意阿田咁樣指住個袋黎影相,太正了吧?

影完,阿田同我地講左幾聲Thank you,之後我地一齊行出去!
我「你大陸個演唱會叫天空之田呀!」
田「咦,係呀?有飛買喇?」
我「唔係呀未呀!Lucky draw就有囉!」

我「阿田,早D返去休息!」
田「哦,好呀,Thank You!」
我地「Byebye!」