將軍澳洗樓團

圖中的食物是不是很豐富呢?除了壽司和魚生外，其他都是home made的呀，而且還要出自男同事之手－－當然還有他背後的女人啦（即係老婆）！

今次岑生岑太大顯身手，炮製了兩個海鮮pizza（好味都冇得頂呀）、三文魚炒飯、意粉、大蝦沙拉和主角「椰青焗蟹」（內文有相睇），簡直可以媲美酒店水準...相比之外，平日我最喜歡的魚生都變得不吸引了，哈哈~~

由於有三個同事都是「將軍澳人」，所以我們決定組成「睇樓加洗樓團」，一次過拜訪幾戶人家。第一站是爸爸Jacky的溫馨小家，住有一爸一媽兩個細路加一隻狗，主人除了提供手製美食之外，還供應三件大玩具－－十個月大的BB，四歲大的囡囡和八歲大的狗狗。狗仔Bobby(跟我小時候的狗仔一樣名呀)好得意，又熱情，但現場有兩名團友怕狗，所以牠被逼隔離在圍欄區（好似示威區咁），吠叫得好淒厲呀陰公＞＜

這就是其中一位不敢進入示威區的團友，她只願意在狗隻幾尺範圍外擺甫士，而且影完即閃（大會攝影師胡小姐可能被狗狗嚇親，全程手震震唔知影咩^^"）~~可憐的小狗一直等人和牠玩，結果大家玩得一陣又要趕牠走......

玩具二號是這位超活潑的小妹妹，簡直就是monkey的化身呀!她芳齡四歲，性格超開朗超貪玩，聲稱肚子痛而缺課兩天的她，整天在陌生人堆中跑跑跳跳，手舞足蹈兼口沬橫飛，更帶大家參觀她的「私家屋」－－給公仔住的屋是也。跟她玩要消耗大量體力，單是要她睜開眼望鏡頭已經極難(詳見下圖)。最搞笑的莫過於她和爸爸關係像「老友」，不時喜歡互寸，爸爸會當著眾人面前指女兒「唔似女仔」、「成個男仔咁」、「抹下你個嘴啦」......真的夠哂老友記.......-_____-"

順帶一提，我和Becky媽媽著左「情侶衫」呀，哈哈~~原來她也是Heroic的fans，同道中人呀~~那天還帶了可愛的小袋子呢~~