網誌分類:未分類 |
補打返6a camp 先~ 30/7~1/8
出發嗰日真係熱到癲~ 下晝唔知幾點先到貝澳~ 再行段路仔就到間屋啦, 嗰段路幾有鄉村feel~
去到係咁玩啤牌, 排7,7級豬, 非洲話事啤, 罰嘅都唔算難, 不過有次同ar hey 玩蒙住頭互打俾佢搶咗武器(枕頭), 混亂間刮傷隻手臂tim~ 玩完一陣我先發覺![]()
之後食下嘢再出外玩"特別版"卜傻瓜~ 幾好玩ge~
之後一班人煮飯 , 一班人吹水.......... 之後無啦啦俾人捉去講故仔, 俾人嚇親~~
跟住食飯>>好多意粉, 肉醬, 白汁, 蕃茄薯仔湯, 雜菜煲, 好味 ^^
then, 睇"立"筆小新, 好好笑, kaka~
玩變態版killer , 每一round 都驚, 側邊ge人俾人整, 又會聽到驚叫聲, 哈哈, 不過自己都有做齊j,q,k
成晚冇瞓, 又係吹水時間兼玩nds~
6點幾先瞓!~
31/8
下午去沙灘, 個沙灘好正, 啲沙一啲都唔"吉"腳, 行到好好好出先掂到水, 又冇石仔, 正~
玩水彈, 係咁輸俾人"dum" , 之後閃避球, 欖球睇佢地玩~ 好好笑ga!~
返去bbq , 好遲先出去燒因為幫吓廚房嘅人手, 又要等沖涼~~~~
bbq 嗰陣唔係好熱, 算好lu~
晚上玩耍盲雞, marco, long , ar奶佢地做捉人好勁~~~~~ 好好玩, 啲嘭門聲好恐怖, 好似雨夜屠夫要殺人咁!!!!
玩完好攰......睇佢地玩大話啤睇到眼瞓, 咁就落樓下瞓lu~~~~~~
1/8
呆呆吓出camp!~
ps: 今次camp 幾好玩 ![]()
特別多謝楓楓, iris, 蕉, 湉等人為我地嘅伙食出力
打後幾日好頹...... 之後又要補習, 仲要double lesson , 痛苦ne!!!!!
近排, 有點愛上自己一個人的時候, 特別是搭車的時候, 一路聽歌, 一路睇窗外的事物,有時候又想東想西~
有時候, 獨來獨往也不錯吧, 不用常常顧及周遭的人與事, 不用顧慮太多, 舒服得多~~~~~
完~ bye~

