Is ThEhE AnY MaGiC iN THe MuSic?

剛才ｏ係到執野

睇番以前的考琴證書

記得果時收到分紙好開心

學琴到Ｅ＋都學左幾耐下。唔覺唔覺，原來自己係堅持左咁耐。

雖然中途轉左老師

但後尾撞番之前同我同期學的人，好小部分ＫＥＥＰ住學

有Ｄ都轉左老師，但好多人學學下中途放棄，

唔通佢地都發覺左個老師教學上好有問題？（遲Ｄ有機會再講我以前老師的事情）

不過，對於自己的努力自己堅持感到好自豪，因為堅持一樣野唔係人人都會。

雖然我唔肯定果張分紙一定係反映到自己的ＳＴＡＮＤＡＲＤ有幾高

（因為個個考官的品味，角度未必一樣）

但我盡力做到一件事，無論結果係點都唔會後悔。

記得未收到證書之前，係收到評分紙先，真係估唔到有咁ＧＥ分數。

因為之前係結束後個考試官同我講左句ＧＯＯＤ　ＬＵＣＫ

果排都以為唔合格啦，，ＨＡＨＡ

之後睇ＬＡＳＴ　評語，原來係為我未來音樂前途祝福。

音樂真係好神奇。

記得果次的考試，

彈左一首我好鍾意的一首ＲＯＭＡＮＴＩＣ＋ＳＡＤ＋思念的歌，

因為果一陣子有個好親好鍚我好年輕的親戚病情突然轉變。。

到考果日，就快到彈果首歌，果時突然之間好想喊，

因為我唸起往日我彈，佢同佢囡囡唱歌好開心的日子。

因為我唸起我一開始想學琴都係因為我的親戚啟發左我對鋼琴的興趣。

因為我唸起佢被病魔折磨的痛苦。

眼淚就快流出黎，但我都係忍住唔喊，

停一停平靜左自己幾ＳＥＣＯＮＤＳ，

將自己的感情，情緒用果首歌抒發左出黎。

之後個考官問我係咪好鍾意呢首歌。。。

１個月後到收到評分紙，我在意的唔係自己的總分有無１３０幾分數，

唔係在果首歌的分數係３０／３０

而係個考官的評語當中一句話：聽得出我的情感，聽得出我的哀傷，思念的感覺。

佢自己都感動了。原來個考官都聽得出。。原來真係聽得出ＧＡ。

音樂真係好神奇呀！

最後，我想多謝在天上面的你！！！