"專家" 即係 "專家"

根據食安中心的參考指標

體重 60 公斤的成人每日喝 "Lipton 三合一即沖奶茶" 130 包問題奶茶，或 10 公斤幼兒每日喝 10 包會超標。

等我計一計先，即係
成年人每日 24 小時不眠不休，每小時飲 5.42 包就會超標了；如果計埋每日睡眠 8 小時，即係每小時飲 8 包就超標喇，換句話講即係每 7 分半鐘飲一包，連續飲 16 個鐘，就會超標喇

原來 "大白兔糖" 又話有問題喎，又等我計計先

食安中心指，約三歲、十公斤重的幼童每天食用約三包共一百三十粒「大白兔奶糖」，便達攝取三聚氰胺上限。

咁即係都係同 Lipton 奶茶一樣啦，每 7 分半鐘飲一粒，連續食 16 個鐘，就會超標喇。

真係好在有你地呢班咁 pro 嘅專家炸 ，如果唔係我真係諗住咁食法架。

不過我又好想問下，一些健康食品，如水果、橙、蘋果，如果我每 7 分半鐘食一個，連續食 16 個鐘，係咪冇問題架，會唔會有糖尿病架 ?

如果 "Lipton 三合一即沖奶茶" 冇驗出三聚氰胺，係咪好似以上飲法冇問題架 ?

好多報告都話每日做 30 分鐘運動對身體有益，咁如果照 130 呢個比例計，如果我每次連續做 65 小時運動咪有問題囉 ?

真係好在有你地炸，由細到大都冇人同我講過唔可以做咁耐運動架 ! 剛剛仲想做翻 65 個鐘添

真係好多謝你地呀 ! .......... 專家