又靚又 fit 的媽媽

媽媽由小到大都是「一碌竹」，由於得天獨厚，從來也沒有減肥節食的煩惱。媽媽最大的煩惱是如何成功增磅，直至現在還未找到有效的方法。所以運動也不是媽媽的favorite.

在懷有柔柔之前的一年，媽媽希望擁有一個健健康康的肥B，所以每星期要自己做兩天運動，最方便當然是到樓下健身室郁幾下啦！健康的柔柔出生後，媽媽沾沾自喜：終於肥左十磅，除了個肥肚，肥肉分怖在令人豔羨的部位，真是令媽媽人生中第一次因此自豪，哈哈哈！

好景不常，不消幾個月，媽媽蝕突了！比懷柔柔時還少了幾磅，我的天！消瘦加上無運動，媽媽終於感受人老了的苦況：百病叢生，痛不欲生。唉，唯有重新開始做小小運動囉！

基本上做gym 是頗沉悶及機械化的運動，但勝在有冷氣又方便嘛。所以對抗悶蛋，媽媽採取下列方法：

1.      借幾本超八掛的雜誌，一邊做stepper，一邊啃，看完剛好約半小時，又同時可以增加常識，好事成雙；

2.      有時叫爸爸一起囉，一邊吹吹水，唔覺唔覺，又得左（但近排爸爸已不太理媽媽）；

3.      入到gym room，樣樣試十分鐘，雖然運動效果略遜，但能夠持之以行更重要；

4.      專等無記播電視劇時入gym room，媽媽家中不設電視時間，所以久渴下，幾「爛」的電視劇媽媽都會看得津津有味，咁，唔覺唔覺，又得左！

咪以為媽媽做 gym好似好痛苦咁，實質運動後媽媽近日精神左，真係人都靚d. 而且做運動可以讓媽媽的腦子關閉一下，又可以少湊一陣BB，其實都幾enjoy。

媽媽的金句：唔好賴因為生完仔所以肥，你肥係因為你懶……做運動。做個又靚又fit既媽媽，由今日起勤力做運動啦！

媽媽在陀柔柔時也只是重了廿多磅

媽媽在柔柔滿月時已經瘦晒

媽媽繼續保持原狀