產前營養課程

和老公參加循道衛理舉辦的產前綜合課程，有三堂，分別是產前運動、心理課及營養課。

最後一堂營養課，確實有得著。

事緣上堂當天的早上，我需要回廣華產檢，醫生對我說，你貧血，要補充鐵丸！

吓！無理由，自從懷了小米，我對飲食非常小心，每日兩杯奶，差不多日日吃最少一個蘋果，日日食深綠色蔬菜，無理由會唔夠鐵質既?!

正當我懷疑係咪富士蘋果唔夠鐵質，要轉食華盛頓蘋果既時候，營養師比左答案我：蘋果並非鐵質含量豐富的食物，許多人認為吃蘋果可以補鐵，真是天大的誤會。

咁，食咩會多鐵質呢，就係紅肉，例如牛肉、瘦豬肉、豬肝等（但內臟同時含豐富維他命A，孕婦不宜多吃），另外深綠色蔬菜如例如菠菜、西蘭花、菜心等 都是。不過要加強身體吸收鐵質的能力，就要同時吸收維他命C。

大家不要以為橙及奇異果是最高維他命C食物，原來紅甜椒才是。

於是，為了捍衛小米既健康，近日我吃多了紅肉，食多了橙，而且重特登買紅甜椒做菜……

你話，連我自己都覺得做媽媽真係幾偉大。