頂爆仁安

營養B病左呀,仲入左院添!

事發係星期4晚,發現營養B發燒,仲疴左兩次,於事即刻帶佢去仁安睇急政,醫生話佢腸胃炎,開左退燒藥+强力退燒藥+藥粉開水for腸既,係咁多!

埋單2百幾,心諗咁平既...

再問daddy,頭先個醫生唔係兒科黎架?

Daddy話更唔係啦,普通醫生...急証嘛!

又係喎,我都懵閉閉,以為係兒科急証,因為睇既人全部係bb/小朋友...但見醫生檢查態度再加開藥粉咁唔兒科,就問daddy...

返到企屋9點,營養B食小小野食藥就瞓左,11點幾食奶,一食疴左兩次...成晚都冇乜點退燒...

到朝早,我諗住打去仁安揾營養B睇開個兒科問下,因為我覺得好似冇好轉,而且想問下係咪唔好食奶住,定食止疴奶粉?!(我記得blog友D bb 腸胃炎醫生有開止疴奶粉)

但睇開個兒科(Dr. Lau)下晏先開診,咁就打返去急証室問返果個醫生...

醫生話可以食奶,乜都食得?!?!...再問下D藥粉forセ,因為真係好難餵,佢話冇消炎作用架...要等佢疴清?!

果時個心己經不安,覺得個醫生好流...

Daddy話買D補抗力比佢食,因為怕佢脫水...但我想買pedialyte比佢飲安心D,又唔知香港邊度有得買...於事繼續觀察先...諗住睇多1日唔好就星期六去睇Dr. Lau...

到左夜晚,我見營養B燒高左,而且成個人好熱,成塊面紅哂...daddy話比D强力退燒藥佢食...

食左1次,11點幾先瞓到...

到2點我餵完小b奶,叫醒daddy去幫營養B探熱,daddy話唔洗,應該退燒(因為食藥前係102度,瞓前99.4度),但因為真係好唔安心,所以諗住去完洗手間再去幫營養B探熱...

一出房門,已經聽到營養B喊,即刻叫daddy去探熱...

去完洗手間,見到daddy成個人醒晒,換緊衫...營養B燒到103度,嚇死!

嫲嫲+daddy即時帶營養B去仁安...我要睇住小b...

一個鐘後,打比daddy,佢話去緊港安????...佢話仁安個醫生求其開D抗生素打發佢哋走...

一個16個月大既bb發燒+肚疴去左睇急証,兩日都冇好轉,零晨燒到103度再去要求入院,但醫生只開抗生素打發...原因係...冇床位!

頂爆仁安!!!

我已經執好哂野,準備入院,咁既情况,係人都知一定要入院喇...

Daddy啱啱返黎休息,佢話如果尋晚我係仁安,一定剷爆個醫生...(由於太攰,未講詳情)

而家營養B叫做退左燒,醫生只比飲補抗力,開左消炎藥,退燒藥,益生菌...便便攞左去驗...醫生話要留多一晚,冇再燒先比出院!

我想問如果想投訢個醫生,去邊度投訢?

希望營養B快D好返~~~