找到喇!!

難得捱到星期五,Adrian明天放假,豬媽終於可以同老公仔拍下拖行行街了!!

VENUS告知我SOGO有周年慶

老公又約了舊同學在CAUSEWAY BAY吃晚飯

PERFECT....今天就逛CAUSEWAY BAY吧!!

雖然星期五,仲未到放工時間,SOGO已超多人

周年慶全場貨品85折再9折....的確好抵!!

可惜豬媽沒有心頭好,又不喜歡同人逼,如果WEEKDAYS來,應該會買到自己野,不過今天人真太多了

行了一會女裝,見人太多,就上了童裝同玩具部

睇下有無野啱豬仔

幸好買到一直好想買又找了很久的東西

一直很想買個公仔印章比彥霖,有時可作給他獎賞之用

公仔印章周街都有,HELLO KITTY,MELODY,THOMAS,麵包超人見過不少

問Adrian喜歡那款

他還是獨孤一味.....要"超人"(but not麵包果隻)

嘩!好難找(如大家有機會見到,記得告知豬媽那裡買到)

在日本水貨店,女人街都找了很久,都找不到

幸好今天見到一個,異話不說...買下!!

的確與別不同,帥呀!!

仲有,倒數計時器,平時要Adrian在限時內,做好自己的事用的

同樣找了很久,又係之前有見過,但唔靚,所以又唔想買

這個大口仔,豬媽喜歡耶!!買呀!!

雖然物品少少,不過,今天一次過買到一直想買的,又合心水,仲有discount當然開心啦!!

已抱著興奮的心情

當我在TIME SQUARE的CITYSUPER發現下面食品時,今天出來逛更有意義!!

下面隻bb餅,在香港同日本周街都買到;因為這款餅,好味(不像太baby吃的那種只淡而無味),又有益

作為小朋友snack,簡直是不二之選

不過,原味同燕麥味已吃到膩了;上次去日本旅行,買這個季節限定給彥霖

諗住掃多些回港，但之後在日本都已再找不到了

豬媽回港都有再找，一直都找不到

皇天不負有心人，在這家citysuper給我再買到

之前在尖沙咀家citysuper都沒有

好清香的草莓味嫁!!

還記得咀鵰妹CANDY說過,就算勁多口味的KITKAT;如非日本出的,就算甚麼季節限定的綠茶,香橙味都唔係好得;但MADE IN JAPAN的KITKAT真係唔同D

LEE隻BB餅都係一樣!!

豬媽好低能,為了點少事,就如此興奮

不過,我真是不能否認,自Adrian上學之後,不要說行街吃飯,就連買少少東西都沒時間,所以今天有幸出來拍拍拖,已經很滿足,有埋戰利品,仲唔開心到"鞏"咩!!