2009年5月1日.中山3天遊

5月1日至3日, 難得有3 日連續假期, 所以我地就一行6人大大細細 , 上大陸玩, 雖然我地去的地方不遠, 但係已經覺得好relax 了.

好難得我老公得閒, 梗係要叫佢租架車周圍去 , 咁我地3日就會玩得舒服d , 去邊都得, 我地都係無目的地, 邊行邊玩邊食.....都好ok ....

 

 

第一日, 我地就去左歷史悠久的"珍珠樂園", 我兒時都成日去 , 去到感覺差唔多, 係多左小小新嘢 , 仲有D好激嘅嘢添 , 不過自己家下年紀大, 唔去博了....

 

小朋友梗係玩到, 連我地性咩都唔知啦.....

好靚女呀!!!!

就係咁樣玩左半日了 , 跟住就去左搵酒店 , 去到坦洲搵到一間渡假酒店, 唔要求OK都可以, 只是夜晚喂下蚊咁囉 , 又落左三鄉食㷛仔粥 , 平靚正 , $120左右食到每個人都好滿足 , 仲去行夜市 , 之後10:30PM回酒店休息 , 聽到新聞講香港已經証實左有H1N1病毒的確診個案, 聽完之後好似好唔舒服咁, 點解上天要比人類有咁大的考驗呢 , 點解世界現在會變成咁 ??

------------------------------------------------------------------------------

第二日, 我地就去左"田園" , 讓小朋友感受一下大自然和呼吸新鮮空氣 , 於是乎我地就走左去三鄉附近的草園玩 , 今次再次黎到, 多左辣椒摘, 感覺幾好 , 仲有見到好多種類的蔬菜和水果的田 , 香姨說好似自己返左越南的家 , 因為她也是種菜的 , 所以她很喜歡這些地方.... 好純樸...

浩賢仔就黎過3次, 妹妹就係第一次, 見到佢真係好開心, 好新鮮 , 就咁樣我地又玩左一個鐘頭 ........

唔好以為摘完就咁走人呀, 多謝 3元斤~~~~

 又12:00PM了, 我地要去訂左房的 "泉眼溫泉" 果度 CHECK-IN 了 ,  可能5月1日 大假期的關係 , 好多人, CHECK-IN 都要大排長龍 , 我地 就去參觀下D池 , 感覺不好 我奶奶竟然O嘴 , 男男女女一家大細迫埋一個池, 其實都幾DIRTY加 , 等完一輪之後 , 緊張地入房 , 發現貨不對版 , 我們訂左的是豪華房, 佢地只比普通房我地 , 查明之後係旅行社出錯, 佢地又肯退錢, 咁我地梗係拿拿林走人啦 , OH~~~ 就是鬼爛但影左2張相走了 ....

 搞左個幾鐘 , 混吉 !!!

跟住我地去橫琴釣魚 , 都要查45分鐘車程 , 今日好好天氣 , 經灣仔去 , 下面果2張相就係灣仔, 仔細留意下對面就係澳門 的內港碼頭 , 我地竟然見到妹妹媽閣的屋企..

橫琴大橋 , 比想像中長 , 也想不到今次可以經這一條橋去 , 對面見到澳門的觀光塔 , 也看見澳門的3條大橋 .....

過左條橋 , 仲要行到好入, 先至去到這個魚塘 , 都係好寫實的 , 我仲摘左一個葵瓜子食, 第一次食新鮮的 ,冇炒過, 唔熱氣 ,  我今次都學到好多嘢~~~~

你地睇下佢2個 , 哈哈~~~~~

冇錯, 這條魚是妹妹佢釣的 , 都好大條加, 佢梗係唔敢自己囉住影相啦 ...

香姨話lee條魚, 去街市買會好貴 , 我地結果比條魚個魚塘老細  , 聽講佢話囉去燒黎食 , 我地因為要去第2度玩 , 所以唔食了 ~~~~

為左補償小朋友冇得浸溫泉 , 結果就去左游泳.

我地又返坦洲搵酒店 , 同埋搵游泳池 , 都好乾淨的~~~

夜晚去左好出名的三鄉 "威尼斯"餐廳食嘢, 真係好味 !!!!!!!!!!!!

-----------------------------------------------------------------------------------

第三日, 我地再諗唔到去邊度, 結果一早10:00AM 去 珠海的"夢幻水城" , 不單止是小朋友喜歡, 我地老中青 都甚覺OK , 這些玩法係澳門冇的 , 有漂流河 , 人造浪池  , 大小喇叭 , 都唔差過長隆水上樂園的 .

嘩~

下午3:00PM多就走了, 個個對腳都攰到旭唔到 , 咸住要返屋企果時, 我奶奶話去街市買多幾斤菜 , GOD !!!!

 

------------------------------------- END --------------------------------------