KEEP FIT 行動

踏入秋季之後, 就有好多藉口食多左野, 主打當然係打邊爐, 除左食再加埋飲啤酒, 我已經用左一個最好既方法, 去證明自己無肥到, 就係.....唔磅, 雖然個個都話你成日KEEP住, 點會有事吖!但係自己知自己事, 我係果種好容易吸收既人, 如果我放縱自己就會變到要坐兩張椅啦! 所以KEEP FIT 係我一世既任務.

星期六又同一班朋友去食飯, 今次雖然唔係打邊爐, 但都唔好得幾多, 黑草羊煲, 椒鹽泥猛, 生炒骨, 炸大腸, 聽見都知道有幾大穫啦, 食完之後回家途中, 我唔可以再欺騙自己, 我覺得自己成個人好似吹漲左咁, 好漲好唔舒服, 就同自己講我又要努力啦.

夏天要減就比較容易, 因為早, 午餐飲杯營養奶粉就好快攪番掂, 但冬天真係好難, 天氣凍要多D熱量, 飲凍奶唔得, 節日又多, 聚會又多, 無肥到已經偷笑. 不過星期日去JUSCO, 見到D纖麥果條大減價, 仲有得試食, 估唔到咁好味, 個SALES話好多人午餐食兩條加一杯飲品用黎KEEP FIT架! 我聽見就既刻狂掃, 再買埋食左健康又美容既士多啤梨, 未開始食已經好開心, KEEP FIT行動我黎啦!