第一次...困lift記

驚險驚險...幸好有驚無險...

晚飯後與老公一齊返屋企, 一如以往踏入大廈升降機...

門關了不一會...大概升到6-7樓吧...突然整架lift "轟轟轟"地搖晃了幾下...我們驚魂甫定...又再"轟轟轟"... oh my god...我們被困了... 千萬不要有事呀...

唯有按Alarm 啦... 管理員不停地用對講機和我們通話, 確保我倆沒有不適~~師傅到了...在外面檢查了好一會...等了約半個鐘吧......oh...大件事...他在外頭大喊: "好"click" 手...我要call 消防..."  咁大鑊?! oh...

又再等, 等到消防來...他們又檢查了一會...oh...架lift "cake" 住咗...唔上唔落..我地唔可以從lift 門"逃生"了... 他們大喊: "我地會遊繩落嚟, 鑿開lift 頂個蓋, 你地行埋lift 門度避"

我們困lift 2人組即刻避埋一邊...聽到消防英雄同整lift 師傅在lift 頂鑿呀鑿呀...鑿咗好耐...

其時已經被困2個小時了...

個蓋終於鑿開了...一位英勇消防叔叔游繩落嚟喇~~好喇好喇, 有救喇~~~我要穿上從消防叔叔身上除下的安全繩索, 之後就要爬上lift 頂個窿了...好驚呀...我驚自己穿唔過個窿呀...仲有...條梯咁短...我邊爬到上lift 頂呀... 當然, 英勇英勇消防叔叔會幫我啦~~ 佢又借手又借膊頭俾我踩~~ 唔該哂+ 辛苦哂!! 終於爬到上lift 頂, lift 槽當然又有另一個英勇消防叔叔接應我啦, 佢又"蚊" 又扯我上lift 槽, 又係呢句唔該哂+ 辛苦哂!!  小女子實在係重秤的...

當在lift 槽企穩腳後, 由於架lift 其實係直上16-28樓的, 只有11樓先有個lift出口, 我就要由6-7樓爬梯上11樓了 ...爬呀爬呀爬呀爬呀爬呀...終於安全喇~~ 嘩...消防都4-5個, lift 師傅2個, 管理公司2個...原來有咁多人救我地架~~唔該哂+ 辛苦哂!!

之後, 老公用我同一個方法安全逃生了!! Thank God!!Thank God!!Thank God!!Thank God!!Thank God!! x 10000 times