久違了。

好耐無Update Blog過喇。

其實有件事想講好耐，不過忍住忍住，今日終於可以講喇！
三個月來去了學私家車。
宜家考到私家車牌喇！驚事先張揚無得1 take pass。迷信，呵呵呵。
終於可以鬆一口氣。

考牌當時嚇得我手心冒汗呀！
原本是信心十足的，頭大半段路考牌官一直都沒有剔我。不料到最後第三個路口，剛巧有輛綠Van落客，我就照足師傅話「跟尾停車唔好爬頭」，諗住Easy執，點知停定一兩秒後，考牌官突然打開份表格狂剔，係，狂剔！
我心諗，唔通我踩到後面條黃線？差兩個路口就返到去喇喎，我即時望倒後鏡，又無事丫，到底剔我乜鬼呀？
搞掂完架綠Van，之後再轉彎靠左，點知原本係我前面個學神轉入去中線(?!)，佢轉入中線行快少少本來都無問題，弊就弊在我一定要Cut返去佢條行車線先可以轉下個彎，佢就慢到唔湯唔水，時速二十公里左右，下個彎位又就到，佢同我後面都有車跟住，搞到我處境十分之尷尬，之後我心諗橫死掂死，然後打燈踩行個油門爬佢頭，差少少就超速，然後就飈返試場。(其實應該係停定車換線先最正確，不過當時個心已經只係想快少少完成考試)
等成績的期間，雖然師傅話我的處理方法應該無問題，不過個心真係濕晒。
好彩好彩。

另外，有首Demo出到街喇，係Kelly《抱歉柯德莉夏萍》的Demo，Demo歌詞名係《柯德莉》，收錄於最新的《Demo Sampler》。有興趣的話可以Click下面「引用」的網址睇下個Demo List。
好耐之前幫Renee填的《彩虹橋》都出專輯了。
09年總算有少少著落。
各位戰友繼續加油！

然後就係《再見不再見》原聲大碟第二版入面有好多新歌。我就填多了一首《機場大堂》。http://www.milkshakemusic.com.hk/ Milkshakemusic主頁有介紹。

然後然後又要努力考牙醫牌咯。