網誌分類：活動回顧 |
~蔣姨提醒各位~
香港的流感高峰期，通常在1至3月和7至8月間，
而流感疫苗須於注射後約2至3星期才發揮效用，
因此最好在9至11月前注射及每年注射疫苗，
以對抗經常變種的病毒，確保健康。
因此，友愛服務社、天窗社、笑口棗等團體與
強健(亞洲)醫藥集團有限公司於9月20日晚上，
在友愛邨愛樂樓地下118室側為街坊注射流感疫苗。
誰人不能接受疫苗注射? 如有查詢，歡迎致電：
1.對雞蛋、雞蛋白敏感人士
2.曾對流感疫苗、賦形劑、甲醛、
正大霉素硫酸鹽和脫氫酸鈉有過敏反應
3.孕婦及6個月以下的初生嬰兒
4.正患上感冒及嚴重疾病的人士
備註 **以上資料只供參考用途
強健熱線 2730 8678
友愛服務社 3590 8964
情牽 2007-11-24 02:01
知道你在11月18日的選擇勝出, 恭喜你! 不過而家覺得啲選區分得好細, 好似呢幾坐樓又話一個選區, 嗰幾坐樓又話另一個選區, 有時接到好多宣傳單張, 但原來佢哋都唔係我可以投票的. 今年我都有去投票.
雖然我唔可以投你一票, 但我都有叫我以前嘅街坊投你一票的.
情牽 2007-10-14 21:04
蔣姨
唔知你仲記唔記得我呢? 喺1989 年嘅時候, 因為我讀書成續唔好, 所以派唔返喺屯門區讀中學. 於是我家姐向您求助.您便幫我寫咗封信向我哥哥間中學, 叫佢間學校收我. 最後間學校真係收咗我. 真係多謝您當年的協助. 如果没有您的幫助, 我就要每日搭巴士出葵涌返嗰間又遠, 學費又貴嘅私校了.
時間過得真快, 轉眼間已是18年前嘅事了, 本來想年年選區議會時投您一票, 以作報答當年之恩. 可惜我而家唔喺友愛村住了. 雖然都係住喺屯門. 但係每次到投票時, 睇到啲單張都唔見你個名. 對於不能以投票嘅方式支持, 本人真係有啲失望呢!!
希望您日後能繼續為友愛村區民提供服務. 為他們繼續爭取他們應有嘅福利.
蔣姨2007-10-18 21:02
情牽：
原來我與你的情誼始於18年前！好高興你仍繼續在支持我！
11月18日就是區議會選舉日了，我們辦事處各職員及義工都在努力為選擇進行著各式各樣的拉票活動，如果你有時間，也可以回來出一分力呢！
你雖已離開友愛邨，但不要忘記盡香港公民的責任，為香港的未來投下神聖的一票啊！
每一票都重要，你的一票不可少！
有空回來逛逛，友愛邨可是每天都在變得更好呢！