Playgroup 4的第四課@元朗藝術節

今日係元朗藝術節,mummy諗住帶我返playgroup前同我去玩下,不過去到都已經係尾聲lu,無咩好玩,好玩唔係close咗就係要排隊,雖然未至於要排長龍,不過mummy都無耐性排囉!!!

唔洗排隊就有得玩嘅就得呢個---畫地!!!平時呢到係馬路黎架麻,好多車,而家封哂路比我地隨便畫~畫~畫,真係好爽呀,不過玩完隻手好污糟囉!!!

仲有表演睇架,不過又係好多人,睇咗一陣都係走喇,同表哥影下相好過!!!

yeah~~~夠鐘上playgroup喇,mummy終於都說服到三姨姨比朗朗表哥黎試堂喇!!!

睇下我又除襪喇!!!

嘻嘻~~~我仲好唔專心上堂tim呀,同哲哲哥哥kiss kiss完次後又走去睇佢飲奶!!!

mummy好辛苦先叫到我專心d唱遊一下!!!

今日老師要我地用飲管吹起d紙碎,不過到最尾我同朗朗表哥就變咗掟紙碎黎玩囉!!!

跟住做手作仔啦,今日我地做呢個三角包包!!!

做完手作仔又要洗手手食茶點lu!!!

食飽飽又做勞作啦,睇下我呢條fish靚唔靚呀???

最後又係candy time啦,我又唔專心喇,走去攬攬表哥,又走去同哲哲哥哥玩踢腿,不過.............到最後我都乖乖做到哂老師嘅指令攞到candy!!!