參加cloris兩歲生日會

今日daddy都係要返工(daddy連續60幾日都未放過假,真係辛苦哂喇!!!),所以mummy一個同我出去九龍灣參加cloris兩歲生日會啦,好在浩浩哥哥都去,咁我地又可以痴車坐出去喇!!!

出發前約埋浩浩哥哥去麥當當食d嘢先!!!

等埋一齊坐順風車嘅哲哲哥哥就出發喇,睇下我同哲哲哥哥喺車箱內幾親熱,旁若無人咁攬攬錫錫呀!!!

一到步見到有得畫公仔wor,即刻行埋去畫返隻pooh pooh先!!!

再同d朋友仔影下相啦!!!

個場地仲有個充氣彈彈床玩架,唔好執輸拿拿聲入去玩啦!!!

玩咗一陣就比mummy捉我返出黎食嘢喇!!!

到咗遊戲時間喇,睇下幾多小朋友一齊玩,其實我都唔知喺到玩緊乜架!!!

之後仲有一個拉繩bingo咗有糖糖跌落黎嘅game,不過喺等候期間我已經忍唔住行去cloris到拎提子食lu!!!

最後我都唔記得邊個bingo咗喇,一見d糖跌哂落地我就執啦,睇下我都執到幾粒架!!!

玩完遊戲終於都可以同壽星女cloris影返張相喇!!!

yeah~~~又到咗唱生日歌切蛋糕嘅時間喇,睇下我全程都痴住大魔姐姐呀,mummy喺邊我都唔知呀!!!

梗係要同主角一家影返張先啦!!!

當然又唔少得大合照啦!!!

見仲有時間我仲入去彈彈床到玩多轉tim呀!!!生日會仲有波波同小禮物收呀,個禮物盒真係好靚呀,係我至愛嘅pooh pooh黎架!!!今日我都有生日禮物收tim架,就係軍軍哥哥送比我嘅,因為上個星期我個生日會佢唔舒服無黎到,所以而家補送返禮物比我囉,真係多謝哂呀!!!食下綿花糖,同佩濙&妹豬姐姐影下相,又比幸錡ma捉住影下相,咁就到咗生日會嘅尾星lu!!!

臨走又影多兩張大合照啦!!!

生日會完結之後,我同mummy就聯同大小魔姐姐,幸錡姐姐一齊搭巴士去尖沙咀喇,因為mummy同兩位姨姨都要去shopping囉,無法啦,bb衫大減價嘅吸引力就係咁大架喇!!!shopping前就去kfc安置d小朋友先,大小魔姐姐同幸錡姐姐都由佢地嘅印印姐姐睇住,咁我就梗係要痴住mummy啦!!!

shopping完畢,收穫無乜,因為mummy都睇唔啱,睇啱嘅又無我size!!!小魔姐姐仲即場帶上魔頭姨姨啱啱買比佢嘅頭''cool''tim呀!!!睇下(左下)小魔姐姐幾識搶鏡,見到mummy影相即刻吹埋bb捲紙,我梗係唔比佢搶哂我鏡啦,仲唔推開佢咩(右下)!!!

今日嘅收穫有(上圖)生日會嘅小禮物啦,(中圖)軍軍哥哥送嘅生日禮物啦,同埋(下圖)mummy shopping嘅戰利品---一件衫同一條底褲仔咁大把!!!mummy話呢件衫個牌子好貴架,原價$490-,而家3折咋,$150-有找幾抵呀!!!