婚禮日之酒店不滿篇

以下只係我嘅糟遇同對酒店嘅不滿...可能唔同人會有唔同嘅經驗同感受......

事件一 - 婚前一日check in房...俾個房號係334...伴娘見到即時出聲...明知辨喜事...都俾"4"字尾房...咁高級嘅酒店唔應該咁大意...sales亦冇跟足......之後轉房203......(比較起嚟...呢件都係小事)

事件二 - 夜晚問招待處...酒店有咩餐廳...同係食咩菜......個職員擺出一副不屑表情...俾我哋感覺好似我哋係大鄉里咁...跟住一輪咀咁講...聽都聽唔切...再問佢大堂係cafe定係食咩菜...佢答 - 係International囉......(頂吖...咁即係食乜呀...都唔知佢有冇training過...又唔知如果我講英文問佢...佢會唔會態度好啲呢......俾錢住間酒店...仲要睇佢啲員工白鴿眼...離晒譜) 

事件三 - 酒店俾咗$800嘅credit coupon我...我同媽咪...伴娘去咗嘉麟閣食晚飯...埋單待應話只需簽單...攞番張收據...check out房嗰時就會扣番啲credit...因我趕住做spa...所以媽咪留低攞單...但媽咪見坐咗10分鍾都未有收據...問待應先知冇收據...要影印先有......(個待應識叫我哋攞收據扣帳...但點解唔識自動影印收據俾客人......用coupon唔駛招呼...唔係客呀......要客人傻更更坐喺度等10分鐘...睇戲咩...過份)

事件四 - 喺酒店book咗做spa...佢哋叫我只需要著酒店浴袍同洒店拖鞋去就可以(裡面真空)...做spa喺7樓...我住2樓...伴娘陪我搭落地下...諗住再轉去7樓......點知落到地下揾唔到啱嘅...伴娘幫我問其中一個員工(因我真空狀態...只留在伴娘身後)...員工回答叫我哋橫過大堂...去另一邊搭......佢見到我著到咁...都話要行大堂...(可能外國人會冇所謂...但我唔係外國人喎)...伴娘之後陪我上番2樓...再行去另一邊...再落番地下...點知都唔啱...再問另一個男員工...佢又指我哋去番另一邊......呢個時候...伴娘話我著到咁點行大堂...有冇第二條路...佢而家先講...其實喺2樓轉左盡頭再轉左有去7樓...伴娘叫佢帶我哋去...佢只係同我哋搭去到2樓...再用手指指轉左...再用口講盡頭再轉左...佢隻腳冇離開過部......(PK吖...一早2樓有路...唔駛經大堂...就一早講啦...點到我哋暈陀陀兼超無助...仲要遲咗15分鐘做spa...冇得補番......經過呢3個差嘅經歷之後...已決定唔會再去呢間所謂高級同出名嘅酒店)

事件五 - 酒店sales從來冇提我...原來Garden suite嗰度係播唔到mp3格式嘅CD...我仲攪盡腦汁...喺屋企燒咗啲有回憶嘅音樂落CD度...到我準備march in嗰時先話我知播唔到...最後求其播咗canon in d嚟march in......(我都有疏忽冇問清楚...但我估唔到咁高級嘅酒店...竟然會咁落後...咁基本嘅設備都冇...而sales一早又冇細心地提醒我......唔通我攪lunch buffet唔駛俾錢嘅...覺得我唔係大豪客...大可以唔好接吖......佢哋一直都有呢個感覺俾我囉)

事件六 - Buffet完結後...不停催我哋執嘢走...佢哋話擺晚宴嘅佈置公司要佈置...要交場......(我哋只係喺新娘房執嘢...唔知關佈置咩事呢...痴x線......擺晚宴就大晒...我哋就差在未被開口趕走...咩酒店呀...頂!!!!!)

事件七 - 因之前間房知冇時間check out...所以一早簽咗單...總數由佢哋寫...buffet埋單另計......待應俾個信封我...話裡面係酒店房張單...已經攪掂晒...我攞張單嚟睇...睇到佢哋計埋我食晚飯嘅錢...冇扣coupon...我同待應講話有coupon同收據...佢先再落去幫我攪......(離譜...咁大間酒店...部門內部都冇溝通...一早check in已講咗話有coupon啦...又唔問就埋單...睇都冇俾我睇...仲要已經入埋信封...好彩再check吓...如果唔係咪蝕咗.......餐飯一啲都唔貴呀...不過蝕俾咁嘅服務嘅酒店...就唔得囉)

我本來未住之前...覺得人生要住最少一次半島同四季...感受吓咁出名嘅酒店有幾咁好...亦同老公大王諗住結婚一週年住多一次兼喺房度食燭光晚餐......

唉......而家覺得後悔去住...令自己美好嘅幻想破滅...覺得咁嘅價錢...咁嘅名氣...咁嘅態度...咁嘅服務...名過符實......

就算有人請我再去......我都一定唔會再去~~~