九號風球一日假

　　嘩....好耐都未試過掛九號風球，噚日一早就

電話响，奶奶打嚟同肥爸講：就嚟掛８號風球喇！

肥爸老定咁話：知佢實掛得成喇！所以我已經上緊

網嘞！．．．

　　每次打風都係約埋家人一齊飲茶，今次仲撞到

阿哥阿嫂添．．．今次打風，酒樓比上次打風多咗

好多人呀，因為大家都知道今次阿鸚鵡哥哥好勁呀！

知道一定唔駛返工嘅，所以都等咗幾耐吓！

　　飲完茶大小寶話要到舅父屋企睇碟，所以就去

咗"八乖"買零食，嘩．．．好多人買餸呀！好似唔

駛錢咁，ｄ菜差ｄ買晒，我就拿拿聲囉咗包有機白

菜仔，因為係最後一包嘞，其他只有一ｄ唔係好靚

嘅菜，肥爸仲話我駛唔駛買定咁誇呀！我唔理．．

我買咗先算．．．到咗５點幾．．肥爸諗住可以落

去掃下"八乖"叫佢哋送貨，點知肥爸落去無耐就打

電話返嚟話：老婆，"八乖"關咗門呀！吓．．好彩

我買咗包菜，唔係就齋食午餐肉都得嘞！

　　好耐未試過打風關門無野買嘅情境喇！記得

細過一打風，阿媽就買定好多餸，屋企人就會開枱

打麻雀，呢個就係大人最佳嘅娛樂，細路唔駛返學

已經係最開心喇！所以玩咩都有，想起都幾開心架！

今日難得一日假期，我就陪大小寶去舅屋企睇碟，

（舅父同yoma係住埋同一屋苑，只係唔同座，幾好）

肥爸就話返家清潔，噢！！唔該晒．．清潔完就落

街入貨，雖然咩都買唔到，但係．．都辛苦晒你嘞

肥爸，今日嘅假期．．最開心此終都係小朋友！！