榮醫生

針灸又來了......

每一處都要針.....

你地看我背.....背脊

箭豬咁個樣......

多多都無眼看啦.....

回到家有嘢食.......小v媽仲送左件好型女雨衣給我 ^^

你地話我型唔型先!  

近來天氣時涼時熱我都有點擔心多多 = 0 = ! 因為李醫生講過轉天氣時候要多加注意多多身體情況! 唔知點解我近來看多多個樣子有點改變??? 我又講唔出有什麼唔同…..看佢個樣好似變回小BB樣子咁,有時看佢好似變老左咁?

多多近來吃飲都算唔錯,仲好好胃口。另一方面, 我依然帶多多去行下街,又帶佢去跑下步(其實係多多帶我跑步先真) = 0 = ”。多多腳仔力都幾好, 手仔方面都係唔係好得,不過比起以前叫好左D。

近來多多同miu miu經常罵交都不得止仲要打交……最攪笑係多多罵完miu miu即刻躲避係我後面, 等miu miu唔可以還擊佢,看到佢地咁我都唔知好嬲定好笑???

星期六係多多第一次給榮醫生針灸, 榮醫生今次左右咁同多多針灸。多多今次好唔聽話走來走去,最嚇人係榮醫生一針,多多整個跳起來, 嚇倒我地呆滯左…到最後多多全程坐係度咁針灸。 希望多多會適應轉變左榮醫生(我真係好擔心多多唔適應)。希望多多健健康康,快快樂樂咁過佢人生。我已經好開心。

另外有一件事(提外話)真係好唔開心…因為我婆婆走左,人真係好化學,記得個日早上, 我媽仲同婆婆行街仲去吃下午餐(仲係婆婆最仲意吃雞脾同紅豆冰)。點解咁特然咁話走就走……。因為這件事, 我病又再次回來找我真係好辛苦...我不斷扮無事,扮開心,飲食又失調連我自己都控制唔到自己真係瘋啦我....到最後我都係死忍當無事!  再加上公司勁忙(我請白事假又給公司同事咒罵仲要係好難聽說話, 你死daddy mummy, 定死老公仔女, 你係無得請白事假等等說話真係好難受) ,又要返學, 正因為咁都無時間約小V媽同多多去玩又少左上blog真係對不起你地。

待續......