小小失落

奧運完左喇。感覺有小小失落羅。過去呢兩個禮拜﹐每晚返到屋企就坐定定睇電視﹐一直睇到十二點﹐一點﹐先至訓覺。而家完左﹐琴晚﹐打開電視﹐好似突然間無晒野睇﹐吾知睇咩好甘樣。好似果仲開完個大party之後﹐曲終人散的感覺。好吾中意呢種感覺。令我想起小時候﹐每次去完旅行﹐同D朋友仔bye bye之後﹐返到屋企一個人﹐都有呢種感覺。所以我由細到大都好希望有個哥哥或者家姐。吾知點解﹐我又無想個要個細佬或者妹妹渦﹐嘻嘻﹐可能我潛意識裡面都系中意卑人照顧。哈哈。

閉幕式吾夠開幕式甘好睇。無咩驚喜。靜系得個人多。NBC又播得吾好。現場收音又大聲﹐NBC D人又系度不停講野。兩邊一起講﹐搞到我地其實兩邊都聽吾到。最好睇反而是D運動員進場果part。見到他們好興奮甘行入黎﹐個個爭著要對著鏡頭整古整怪﹐好開心甘﹐令我都戥他們好開心。其余的節目就睇到我訓著左喇。