芭蕉妖--結局篇

上次講到一向極之疼愛太太的事主, 因為太太流產, 一怒之下將遠道請回來的芭蕉妖掉了. 之後事主性情大變, 一連數日將自己返鎖於芭蕉妖舊居內. 更數日不飲不食,不洗不痾. 太太無計可施之下, 報警求助.

其後醫生斷定事主只是身體虛弱, 多作休息就可以. 因此, 觀察一晚後出院. 出院直接回家, 太太正想扶事主回房休息之際, 事主發力沖回芭蕉妖舊居, 再次返鎖自己於房內. 太太只道事主因自己流產而情緒低落, 因此再次好言相勸, 希望開解事主令事主早日振作. 但是一連數天, 事主都未見好轉, 更有惡化的情況. 太太就向家人求助,家人覺得事有可疑, 可能是鬼神之事, 因此叫太太到觀音廟作福, 辦法事. 希望可令所犯之鬼神熄怒.

太太督信鬼神, 一聽之下更是信到十足. 於是太太開始走訪各大寺廟, 道觀. 她一開
始到觀音廟, 再到黃大仙等等, 每次花費不菲的做法事, 求靈符. 每次滿心歡喜, 充滿希望咁回家. 不過每一次的結果都令太太失望. 一次一次的失望, 一次一次的打擊,
太太更向某知名教堂求取聖水, 但是事主都一如以往.... 更令她難過的是, 以往稱朋道友的, 在丈夫出事後對倆口子敬而遠之.... 而太太心中, 只想丈夫早日康復. 不料, 太太咁多日做的事, 未能感動佢拜的神明, 卻觸怒了事主身上的惡妖!!! 事主開始口燃燒中的香燭, 以燃燒中的香燭恨恨的戮向自己.... 事主不停的自殘身體....唔係.... 係芭蕉妖不停咁傷害事主的肉身.

太太眼見丈夫自殘身體, 更加心急如焚. 和身上前阻止, 事主為男兒之身, 力量以比太太大, 加上妖邪附身後氣力如牛. 太太又豈能阻止到?? 不過太太之舉, 更如火上加油, 芭蕉妖怒氣更盛. 不知從何處取出菜刀一把, 想斬向太太. 太太見狀, 心想平日對自己萬分寵愛的丈夫, 舉刀斬向自己. 當堂萬念俱灰. 閉目待死. 等了幾秒, 刀等唔到, 卻聽到事主濃重的掙扎聲. 打開相眼, 原來丈夫不忍體內的妖物加害自己, 正全力與妖物掙馳. 從事主的眼神, 太太再次看見往日熟識的丈夫!! 正想開口鼓勵事主, 卻見事主手上的刀, 重重的落在事主身上.......

沒有刀光劍影, 沒有血肉橫飛. 不過芭蕉妖呢2刀實實在在落於事主左右心口上. 登
血如泉湧..... 太太失聲痛哭, 不過都不忘打999. 在救護車未到之前, 事主 (芭蕉妖)終於講出發生左咩事:

芭蕉妖講: 我幫左你, 而你老公無做佢應承在我的事, 所以我拎走左你地的bb. 佢以為掉晒所有野就得架啦? 以為咁就無事?? 諗下好啦. 我今晚12點前, 一定會帶佢走.哈哈哈哈

當時是晚上7點左右, 距離12點尚有幾個鍾. 太太聽到真係急到亂晒龍. 不過人在壓力下, 係會想返起一d平時唔記得的事. 今次, 太太記得佢做facial的地方, 識左一個邊個邊個. 好似係神功背景. 唔理咁多, 即時就call. (呢個"邊個邊個", 其實係我一個師弟的老婆)

我師弟2公婆, 一聽到話12點係死期. 唔理師父係唔係食緊飯, 一個電話call過去. 師父要過事主的八字, 合指一算, 就講, 小妖一隻都敢口出狂言?? 哼!! 唔使怕, 你地2個同事主一家去醫院等甲子道人啦. 小小野, 唔使我出馬!

話分2頭. 講返事主先. 今次事主去到醫院, 唔再做乖寶寶啦. 佢大叫大嚷, 醫生今次佢精神有問題啦, 要打蒙仔針. 點知打左幾支, 事主唔好話蒙呀, 喊露都無打過一個.... 醫生都無計, 只可以叫人幫手制服事主.

講返館口, 我7點幾收到師傅call. 話有野做, 叫我同b師弟上館做野. 8點前上到館口, 師父同我地講發生左咩事, 再叫我地師兄弟2人, 一人寫一套符. 寫完之後, 教我地去到之後點做. 咁我地2個就膽粗粗去醫院.

去到醫院, 完來除左事主太太在病房寸步不離外, 其他親友都怕惹事上身而無上去.唉, 真係人窮無固親..... 唔講咁多閒話, 在醫院等我地的師弟立即帶我地上房, 途中口說成11點你地先來, 咁遲架? 人地等緊架ma.....

一路去到病房門外, 事主太太急步走出, 阻止我地入內, 仲叫我地走..... 我心諗咩事呀?? 原來房入面隻芭蕉妖知到我地來到, 同太太講: "叫佢地唔好來呀, 入來因住連命都無埋呀. 哈哈". 所以太太先急住阻止我地. 我同事主太太講, 唔使怕, 無事ge!! 言畢, 我同b師弟先念心咒, 再大步入房.

點知一入房, 見到既係一班醫護人員向外走出. 原來呢班友仔, 一早知事主中左招,但係又唔講得. 一見我地來, 就走都走唔切.... 我一入去, 二話不說就化一道符落碗水度, 要事主飲左佢. 點知佢反手想打走碗符水... 我手急眼快, 護住碗水. 事主就大叫, 唔好俾我飲, 佢一定過唔到今晚!!!

豈有此理, 我成個人企在度, 你都仲咁狂?? 唔俾面我都要俾面我師公六壬仙師呀! 於是手納道印, 一下按住事主的心口. 主事即時反抗的力都消失, 只有兇惡的眼神望住我. b師弟見機不可失, 將符水送到事主咀邊, 喝一聲 "飲". 事主呆了一秒, 就乖乖飲下. 15分鐘過後, 事主終於轉醒. 我同b師弟, 在守在事主事邊至子時過去. 1點多我等離去, 離去前, 將餘下的一道符交給事主太太, 叫佢於2點餵事主服下.

嗰晚之後, 芭蕉妖都無再攪事主了. 幾日後, 我地到事主屋企, 為佢主持送神儀式(送走芭蕉妖), 再用三昧真火為此屋潔淨.

師父都同事主講, 隻小妖幫左你, 而你無還. 係你理虧. 不過, 佢亦令你無左個小孩同傷左你身. 都算還左血啦. 不過你最好登門拜訪一下那位巫師 (事主口中的高僧),為此事真正了結. 為免有人因財再生事. 如果有須要, 我可以同你走一次.

最後, 事主自己再拜訪高僧. 不過佢地之間仲有無野就無人知了. 不過, 接下來幾年,事主都搵我師父睇風水, 生意愈做愈大.