我個仔變左青蛙兔仔ｂｂ？？

軒軒媽今日放假，所以就同軒軒出左銅鑼灣ＳＯＧＯ出下血先～～～

我地一上到去買玩具果層，軒軒雙眼就發光咁，

因為有好多有聲玩具呀～～～好吸引呀～～～

不過軒軒雙眼未發光之前，軒軒媽雙眼已經發左光啦

點解？？ＨＡＨＡ～～～因為我地一上到去～～～

就比軒軒媽見到Ｄ正野啦，你地睇下　↓↓

最衰我今日無帶自己部相機，入面有好多軒軒既相揀，

而家就要個ｓａｌｅｓ姐姐幫我地影，

點知個少爺仔整極佢都唔肯笑，所以個公仔麻麻地

不過算啦，有軒軒個樣就係”正”貨，哈哈～～～

因為整呢個公仔要等１０分鐘，所以我地就去左睇玩具啦～～～

同軒軒一齊，點可以得個睇字架～～

呢２個就係少爺仔既戰利品啦，佢玩到唔肯放手

你地睇下佢幾開心

唔止玩具架～～媽媽仲同軒軒添置左ｄ日用品　↓↓

上面果個就係，如果去飲茶茶，就可以令到軒軒坐定定既背心帶啦～

而下面果個，唔駛講大家都知係咩黎啦　

都係唔買咁多啦，因為軒軒媽無手拎啦～～～下次再買過