日航酒店 ~ 海鮮 tea buffet

睇過新假期同 U Magazine 日航酒店 <海鮮 tea buffet> o既介紹, 今日就去咗試吓嘞!! 食物都 ok, 但款式真係少咗 d, 以我食量唔多, 每款試咗一件/少少都未飽(除甜品外) !!

熱盤八至十款 ~ 幾好味o既有炸讓蟹蓋, 炸墨魚餅, 炸蠔卷, 鳯尾蝦!! 牛脷, 點心, 煎餃等一般!!

三款生果都好甜, 正 ~ 蜜瓜, 西瓜, 波蘿!!

主打即製天婦羅就麻麻地, 又話有海鮮, 但只係出過兩次蝦, 分量又少, 我都攞唔到, 只係蔬菜類多!!

日式 : 壽司只得蟹柳, 黃蘿蔔, 卷物等, 沒有海產類的!! 仲有冷面, 味道普通!!

甜品款式不多, 最鍾意個酥皮萍果批, 我加咗軟雪糕一齊食, 好好味!! 另外有個叫血橙啫喱, 酸酸地, 加埋面層o既乳酪幾得意!! 生果撻都唔錯, 夠脆, 生果又甜!! 其他的小蛋糕一般!! 大件 cake 逐款出, 一出就俾人搶, 五款只攞咗兩款, 亦一般, 又冇"提拉米素"!! 炸湯圓同炸香蕉賣相麻麻, 無試!!

不過 $138 對四至五星酒店嚟講都唔算太貴, 我哋有 vip 咭仲有八折!!但上次食日航o既 lunch buffet 只係貴少少 $185, 但食物好得多, 又有生蠔, 又有刺身, 熱盤當然更多, 甜品都有廿款, 仲幾好好味添!! 相比之下, tea buffet 有點遜色!!