黑仔~到痺~一天

黑仔到痺的一天

一大早喺街頭仆街

右邊膝頭一嘢跪咗落地黑黑青青瘀咗一撻痛咗成日~~~

(e+都好痛,行路都痛~)

不過過程都尚算搞笑

因為扶我起身的果個人正係一分鐘左右前同我一齊企喺度等紅綠燈的人

我認得佢手中果袋當當勞~~~

夜晚收工瞓住覺搭車返歸時疑似差d比人胸襲~~~

突然打開對眼睇到有隻手就在眼前...

見我突然郁一郁即時縮咗隻手...

嚇得我覺都唔敢再瞓呀~

雖然平時成日講笑有人非禮我佢對眼都有問題

當真係疑似遇到時又真係幾驚下~~~

                                          2008.11.1

黑到痺延續篇

跨個月的黑仔...

話說仆到應一應的膝頭又瘀又痛...

最慘係瞓覺時伸直隻腳又痛. 蝦米姿勢又痛. 死尸咁直一直又痛. 用攬枕墊住一樣痛...

總之點擺都係痛

好難得瞓着咗

結果3點左右又因頭痛痛醒了...

碘下碘下碘到4點幾最終都要起身搵藥吃又碘咗一陣先瞓返...

第二日起身因為空肚吃藥的負作用個胃好唔舒服

又削胃削咗成日~~~

黑開真係有條路~~~

第二日隻腳雖然無咁痛但係瘀黑範圍仲大撻咗~~~

                      2008年11月4日

秋天到好乾燥...隻香雞腳都~~~