上海大板第五話

1月26日~星期一

係日本已經第四日 , 開始習慣當地既時間天氣等 , 早上起床都冇之前咁唔願起身 , 衫都冇著咁多(之前著到成隻稯咁) , 但係我既肌肉就一D都唔適應 , 兩條腿及腰痛得不得了 , 不過都阻唔到去玩既心情既

今日行程係去奈良下午再去京都

一出奈良地鐵站就見到呢位"柯之山"

日本好多街都係咁款 , 係度逗留左陣

比我地搵到呢間出名食米餅既店鋪 , 旅遊節目都有介紹過 , 會有兩名大隻佬中米粉架 , 不過我地就睇唔到喇 , 睇唔到姐...都有米餅賣 , 就一人一個啦

行左陣已經午飯時間 , 所以又係食左先 , 唔係一陣又冇得食

你咪睇佢個樣咁好以為好好食 , 正所謂人不可以貌相 , 我地兩個餐都唔好食 , 係日本咁多日呢餐最失敗

扒左兩啖就已經唔想食 , 快快埋單走人唔好浪費時間 , 向住奈良公園出發 

一路向上行 , 行左好耐先見到第一個景點 ~ 五重塔

仲有奈良既重點 ~ 鹿

佢地唔蘇我地呀 , 睇本旅遊書介紹可以買鹿餅餵佢地 , 但係週圍都唔覺有鹿餅賣喎所以又繼續向上行 , 一路行上山 , 到處都見到大大小小既鹿 , 不過都係唔理我地...cool 爆 , 又行到另一個公園 , 呢位鹿先生望住個檔口 , 我地仲話佢係咪看檔架 

原來...呢個檔係賣鹿餅架 , 我地終於搵到喇...不過冇開檔 , 所以搵到都買唔到 , 一班鹿就以為我地有餅食 , 圍晒埋黎 , 咬你衫尾又用個頭 "hi" 你 , 你見到佢個頭嗎 , 對角比人切短左 , 但係都仲有些少凸出黎 , 所以佢用個頭 "hi"你既時候係好痛架

越圍越多鹿 , 佢地鹿多勢眾 , 而我地又交唔出陀地費 , 所以都係快快走人 , 再繼續上山 , 冇耐又到另一個景點 ~ 東山寺

行到入東山寺都唔容易 , 因為門口既一段路布滿鹿大哥同鹿大姐 , 街頭就有檔買"陀地餅"既 , 即係話 "唔該你交陀地先啦" , 不過交左陀地唔代表你會好行d喎 , 睇下呢位小姐

睇唔到個位小姐仲慘 , 比隻鹿大哥一路追住 , 陀地都交晒啦 , 但係都唔放過佢喎 , 搞到佢以為個 pat pat 會瘀左添呀 , 所以佢一路快步行入寺廟 , 因為行入寺廟前有一級好大好高既欄 , 以為鹿大哥入唔到黎啦 , 點知...係入到黎架...救命呀!!!原途仲有個鬼佬一路拍住呢個情形(你就拍得開心啦) , 當鹿大哥開步行入寺廟時 , 我地笑到收唔到聲 , 個鬼佬 " O my god!!!He is coming HAHAHA"

可能我地既笑聲大恐怖 , 嚇親鹿大哥 , 鹿大哥終於都放過佢喇 , 終於可以慢慢行喇

呢幾日去左好多個寺廟 , 所以興奮情度係..零 , 不過廟內有碌柱好攪笑 , 柱底有個窿 , 剛好有幾個小朋友係度玩

離開左東大寺之後望下張行程表 , 好似都係寺廟景點 , 同埋呢坐山都好大 , 我諗我地行左咁耐 , 都唔知有冇十份一 , 所以我地決定離開奈良喇

係奈良地鐵站撘地鐵去京都大概要35分鐘 , 不過我地上左架特快車 , 上車時已經覺得怪怪地架喇 , 點解冇人上車既呢 , 到開左車之後 , 有票務員黎收錢就知道我地上錯車 , 我地張票要補錢 , 每人補500Yen呀.......

不過呢架車好快 , 幾個字就到左喇 . 京都係手塚治蟲老家 , 所以一出地鐵站就有佢既名作卡通人物 , 附近仲有佢既展覽館 , 不過我地冇時間行所以冇去到

撘巴士去衹園食晚飯 , 呢度係巴士站外既景色 , 影完呢張相之後..我個相機就瞓左覺 , 叫極都唔醒

睇旅遊書介紹有一間專門食饅魚既食店 , 因為Candy好愛食饅魚 , 所以一定要去潮拜下 , 落左車問下人就搵到呢間食店 , 所以都唔難搵 ,

入到店內有位婆婆招待我地坐低(日本好多婆婆侍應) , 比左餐牌我地睇 , 最平三千幾一個饅魚飯 , 定食最平都5900Yen , 所以我地叫左一個饅魚飯加一個定食

個定食有..湯、饅魚肝小食、鯛魚刺身同饅魚飯 , 因為我唔好食饅魚飯 , 所以唔知佢好定唔好 , 不過都唔差 , 個饅魚汁好好味 , 個刺身就冇得頂喇 , 好新鮮 , 個饅魚肝都好好食 , 唔覺食緊魚內臟 , 呢餐埋單一萬Yen有找  , 好在我地之前唔係好識搵食 , 所以而家食貴D都未肉痛

食飽之後係附近行下 , 搵到間旅遊書有介紹既咖啡店 , 不過想幫親下都唔得 , 今日係定休日 , 諗住玩夜d唔趕巴士試下撘的士 , 不過我地又唔敢去居酒屋 , 所以都係打道回府 , 點知原來係京都返堺東路途都好遙遠 , 唔去wet都趕唔到巴士 , 既然係咁..咪係堺東行下囉 , 咁多日以來都係以堺東做轉車站 , 都未行過

平時朝早落車個站前面有間食煎餃子既店 , 咁今晚就有機會試下喇 , 不過食完之後再行都冇咩野睇喇 , 因為已經關晒門 , 所以係日本7仔買完小食同早餐就去玩撘的士 , 不過玩完呢次之後都唔敢再玩撘的士喇 , 趕巴士好d , 因為短短十分鐘車程就已經用左1490大圓去玩 , 呢野真係肉痛死