2007香港書展

今日我同爹地細佬去書展, 好累啊!

今朝十一點幾去灣仔食左麥當奴, 十二點先去書展..... 星期一朝早都咁多人, 星期日咪仲多人?
首先, 去左Hall 5 , 望兩眼都唔想睇, 爹地話睇多陣先, 咪行左一陣, 無野想買
跟住, 去Hall 1, 比起Hall 5 D書好好多, 行左一陣, 見到鄧麗欣作既《不要忘記》同傅穎作既《甜蜜蜜2》, D人囉黎睇下, 又唔擺番原位, 好無功德心~ 最後又無野想買
離開Hall 1, 行行下去到Grand Hall, 入去睇下, 買左兩包Keroro珍藏卡, 一包都係兩蚊, 好平啊!
終於行到Hall 2, 去睇下MYOTee 角色造型比賽最後20強有冇我份, 因為我都有參加, 好可惜我已經落選 = = 最後係個度買左兩本多啦A夢漫畫同兩包花樣少年少女珍藏卡
淨番緊係Hall 7未去啦, 個度全部都係簡體字書, 無興趣睇, 行行下見到賣文具D攤位, 買左一個筆袋同一副Keroro減肥大作戰遊戲

我地睇曬, 想係金紫荊廣場個邊既門口走, 要行番新翼個邊先去到果個門口, 咪要兜番Hall 5入面再出黎, 突然條人龍停左, 行唔到, 原來前面爆水渠, 仲要係D水由天花板流落黎, 成地濕曬, 條人龍改行走火通道, 搞到對鞋濕曬, 好深刻啊