凍到黐肺的一夜......

黐線ga?三月中啦...都重可以離譜到得十三四度
真係世界變啦......!!!

放假，又係瞓到日上三竿先至起身
過新港城食個tea，先慢慢爬過對面木馬商場攞番我副新眼鏡

阿鄒話
「都好多年無見過你戴眼鏡」
「係！三年！study leave之後你見到我都係戴con！」
雖然佢地對於戴眼鏡嘅我回響好一般
但我諗之後見佢地，都係會戴眼鏡ga la
真係年紀大，對眼開始唔係好聽話
一話，係我太長時間戴con，所以......
好睇一話唔好睇......戴定唔戴靚啲
彷佛已經唔再重要
靚又點唔靚又點？
希望以後我唔會不修邊幅到連妝都唔化就開工......
哈哈哈......其實好難講
而家我返大早都可以衰到連foundation都唔搽就落樓
咁開工唔畫眼線同唔搽mascara......都唔算過分丫!!!

-----------------------------------------------------------------------------------------------

食完糖水行返去個陣真係X凍
但一邊講笑一面食風，又可以接受嘅
最好笑係阿發無啦啦話
「Gloria......我可唔可以趁我醉問你樣野？」
「？......」
當大家都聚精會神咁望住阿發睇下佢會借醉爆啲咩驚天大秘密出黎個陣
佢居然話......
「我想問下你『Gloria』點串？」
「．．．．．．」

PS
希望下次程先生你唔好又mention一次......你條褲......！

-----------------------------------------------------------------------------------------------

晨早凍醒
敷左個Ma屎，打左個Blog，睇左個天氣報告
出面而家得十四度......
真係好凍
好想叫你著番件厚衫同頸巾先好出門口返工，唔好岩岩好番又重凍病
明明SMS打好左，最後都係delete左佢
既然講好左只係「好朋友」
咁我又可必多此一舉呢？
倒不如關心下岩岩起身係廳度行黎行去嘅老爹咪係更「實際」？
起碼老爹都會哄哄我呢隻係佢眼中永遠都係長唔大嘅扭計小貓咪

醒起阿古問我o個個問題，問我係唔係
我當時話「我唔會答你呢個問題」
但其實我應該話「唔，係過去式！」

突然明白到，點解呢兩個禮拜裡嘅我......發生咩事

原來，當時嘅我係情願當到別人口中嘅「傻豬」......感覺更好？

 　討厭！