突然發高燒

軒軒這個暑假都返麥理浩作全日暫託, 今天約11點, 張老師打電話給媽咪, 通知媽咪軒軒發燒, 有103度, 所以媽咪立刻接軒軒去睇醫生 ( 朝早不覺軒軒發燒, 但軒就沒有胃口食早餐)。媽咪去到學校接軒軒時, 精神還不錯, 軒軒還以為媽咪會帶佢去玩添, 行五分鐘就到彭醫生的診所, 坐左一會兒, 軒軒有d唔對路, 無咩反應, 緊住開始抽筋, 對眼珠微微向上, 但未至於反白眼, 所以媽咪立即同姑娘講, 姑娘立即安排見醫生。軒軒抽筋幾分鐘及有嘔吐情況, 醫生之後幫軒軒塞藥及寫紙安排去急症室入院。

爹爹亦來到診所, 我們飛的去瑪嘉烈, 有了醫生紙, 確實很快就安排見醫生照X光, 等候期間, 軒軒仍是精智不清, 叫他不會應, 眼神集中在一點, 好似撞邪咁, 一時又無端端哼歌 ... 直到上到病房才回復正常。在姑娘問媽咪一些問題時, 醫生哥哥抱軒軒去抽血, 醫生哥哥話軒軒好乖好叻仔, 完全無喊, 但到姑娘帶軒去抽鼻水後, 抱回來的軒軒明顯是哭過, 眼紅紅的同媽咪說好痛, 還指住鼻鼻講好痛。入院手續攪點, 爹爹媽咪其實還是工作時間, 所以要返公司, 留低公公陪軒軒, 但軒軒真係好嗲, 可能病的原故, 軒軒不肯俾媽咪走, 在媽咪心裡看著, 真的有點心痛, 但媽咪始於要返公司換衫(著制服)及攞返個手袋麻, 所以都走了, 軒軒眼紅紅及扁咀睇住媽咪走了......由公司出發到回來, 前前後後攪左四粒鐘 ...... 其實好快就可以收工陪軒軒。