正生書院悲哀

正生遷校事件搞到滿成風雨,剛剛睇完在正生舉行的城市論壇,更加有野講.....

之前睇新聞,睇到梅窩居民極力反對正生遷校,在大會上人地未開口講野已經勁her人,仲叫d學生做毒品仔/妹,完全唔專重人...覺得身為香港人的自己都好慚愧,點解d人歧視人會去到咁嚴重...完全唔可以接受別人過去的錯,亦都比我覺得,在這個殘酷的社會,真係要零錯誤,否則可能"永不超生"...過去絕對是你將來的烙印。

另外有聞梅窩居民點解咁火並不只因為正生是更新學校,而是2年前政府堅持話收唔夠51人一班中一結果要殺校無情講,要d學生一日幾個鐘頭舟車勞頓咁返學,結果d家庭非反不可。之後發現好多居民的子女都出左港島d名校講書,留在梅窩升中的小學生未必夠多去營運一間中學。但大家諗諗, 梅窩唔同市區,人口一定唔夠出面多。但係咪因為咁就一定要堅持51人先開到班???30人不可以嗎?現在常說小班教學,這些地區開始小班教學不是最好嗎??雖說居民子女會出左港島d名校講書,但相信並不是所有住梅窩的中學生都想舟車勞頓咁返學,有d都可能係被逼的(係咪都出去,點解唔去最好???),政府係咪都應該比返基本設施d居民呢??

再睇,原來正生唔屬於正式教育服務範疇,d經費係有心人捐助,老師人工低一般3成。真係要多謝d老師對呢d青年的付出。而家吸毒問題咁嚴重,政府如果可以將正生書院列入特殊學校的戒毒更新群育學校,咁學校資源多左,老師人工可以多返,請多d老師,對學生幫助都好d啦!!!

一個遷校問題,睇到人性醜陋的一面,更睇到政府唔變通、無能的一面,真係悲哀...