無理事件簿

近日工作無理事情實在太多,再加上層壓式的工作,心情真係麻麻地....

1. 報名收漏左ID copy, 打電話叫申請人fax回,佢話屋企無fax機,叫佢去文具店fax, 佢竟然話唔知邊度有fax機,又話我浪費佢時間同浪費錢(1元)要投訴....好了到編班,又話要返工唔讀...($1都投訴,我比返你算啦!!!)

2. 申報人無睇regulation,同一時間報左兩個課程違規,要佢二選一,佢取消左我地呢個,一個多月之後打來投訴,話另一個課程開唔到,話我地點解唔叫佢上課 (p.s: 你話取消左仲點叫你上堂??) 之後又話我地錯誤引導佢選擇錯誤,而家兩個課程都讀唔到,要投訴 (你自己 give up 都關我事???), 之後有位call 佢再讀,又話唔讀....(玩野!!!)

3. 豬流感,有部份中學停課,咁我地都要打電話比相關學生同佢講不用上課, 考試取消,另行安排補考。打比學生, 佢話佢無病無痛,死都要返,問我點解唔比佢返?我地都係follow EDB instruction, 同佢講之後安排補考。佢死都話唔公平,話份補考卷唔係100%同原本份卷一樣深,又話補考果日可能會唔預服同肚疴影響表現,要投訴我地行政失當,連 program leader 都比學生同學生爸爸鬧埋....(你平時補考都唔係同原本份卷一樣啦,比人叫停課都返學,如果你唔好彩中招會素累死好多人0架!!自私到爆!!!)

4. 收左一個人讀course, 到開學果朝先話唔讀, 過左cancel ge deadline, 跟instruction 當佢 no show,佢話我地無寄信比佢,唔知要上堂,check 返其實佢改左地址無通知我地,所以收唔到信...同佢講學位比左佢, 可以照上課,佢無上堂。4個月後,殺上0黎搵我尋仇,話我害到佢讀唔到第二個course,又要投訴,搞到在office勁樣衰....(一早講左郵寄通知,你改地址唔申報係你的責任,後果自負!!!!同埋申請課程時有申請需知比左你,寫明課程cancel期限,你唔睇都係你的責任!!!)

5. 同事放假2日聽唔到電話,打電話同我(why me???)投訴點解咁耐唔覆佢電話,要投訴我地辦事效率低...(你知道課程有兩個查詢電話,點解你唔在一個no.打唔通時就打另一個,同埋我地人人電話都有 voice mail ,點解你唔留言等我地同事覆??)

仲有好多千奇百怪的cases,不能盡錄!!!!

我地做 frontline handle 倒都算, 但好多時都搞唔掂,要麻煩subject leader, 成日要"報案" (因為d人成日話"我要搵你阿頭同我講",咁我地就要預先話比 subject leader 聽咩事同比佢reply d 投訴) 搞到似0係警局做野....又好似顯得自己好不濟.....

唉...係咪我講野有問題,定還是我個樣太好蝦???

我真係要搵d customer service/調解衡突 /訓練EQ 的course 讀吓...

再咁做法,我命都短幾年.....

同埋d人點降成日將自己的問題推0係人地身上,我係咪都要學吓好似呢d人咁耍太極呢??

後記: 打完篇野第二日,又遇到個麻煩古惑學生,想借我地過橋唔返學,我同佢作戰到工都放唔到,最後我交比我d阿head處理,不過佢地都好似對我略有微言。我想講,我知你地忙,如果我解決到,我都唔想麻煩你地。但我職級權力有限,有d說話同決定我呢個post做唔到先交比你地,如果我夾硬用我個人意見去答d客問題答錯咁點算???所以只好請示你地,希望你明白我的難處,我亦都會嘗試改善我說話技巧。

昨日突然好多call,又多d walk in 客,搞到自己原本plan的工作做唔到。又有新入team 的同事不斷問我野,令我心情非常火爆,甚至發佢地脾氣。唉,我都唔想...對唔住,請你地食糖補返數!!!

What can I do???