給某人....

某日工作在登記報名名單上看到一個似曾相識的名字,馬上查看自己的手機,電話是一致的。驚喜在工作上找回自己多年無見的你,放工馬上打給你相認,的確是你,高興得很。

之後我不停用電話和send 了一封超過500字的電郵詳盡告訴你課程的一切,務求你成功interview, 結果你順利可以上課。

礙於工作關係,在公司內只可當你是陌生人,但我還記得你生日,亦希望藉此找回多年沒見的朋友一聚,你答應了....很期待這一天....

到真的開始約朋友時,你又好像愛理不理,我們好辛苦"擇日"了,但你還是拿不定主義去那裡吃,算了,到了才找地方吧....但這時....你竟然要去見你的愛人而突然遲了近一小時才到,到了還沒有歉意,還問誰選了這地方吃飯???好像逼你來吃似的....

終於齊人聚會了,席中有講有笑,你對我說過不想席中其他人知道你的情況,我守口如瓶。但你竟然將我和你的私人對話如擴音器般播出(雖然談話內容我無話唔講得,但都叫做"傾密計",唔會expect 你公開講出來)...大家用我部相機影相,影完比你地睇返,人多部相機互相傳來睇相。但沒有預到你睇埋我其他相,仲要大聲笑同比眾人睇我一d影得比較ugly 的相....我忍唔住叫你比返部機我,你仲好突然我咁小事點解咁惡???

食完大家諗住行陣,你同某某無興趣,咁決定左兵分兩路,之後再集合...結果睇完去集合...見你地咁耐未到,打電話又唔聽,去埋你地話的店舖搵你地...結果一句打來話要返屋企就走左....我地驚你唔識路添....

我好少咁樣公開數人,但我真係忍唔住....同你"相認"唔係必然,過料比你唔係必然,因為你生日而搞gathering 唔係必然....同你半夜唔瞓煲電話粥"傾密計"唔係必然...請你可以覺得我咁做多餘,但唔好覺得我應份要咁做,只因我珍惜友誼....你要我專重你唔想公開的事唔公開,但你為何又要公開我唔想公開的事,我在你眼中是甚麼???

這件事上我有點失望...還是我對人太好、思想太天真,還是自己不夠寬宏大量????