工作事件數則

近日工作比忙過不停,不過學到唔少野

1. 之前有人話過"寧願唔開班都唔以收d唔 qualify 的學生",但現在,為了申請人一張"20年前的XXX課程同而家的XXX課程程度一樣,等於 QF Level 4 " 就收左個學生(20年內一個政府認受的課程佈容不變你信唔信???)....話"收佢只是煩3個月,唔收就煩半年或者更耐...而家收左佢當比佢興趣班算."...其實呢個人一句 "無就業意慾" 同 "學歷有可疑" 已經可以reject佢啦....而家收佢我地要同佢整份agreement ....要佢承諾"實習機會與獲得受聘並不保證"...咪煩死我地fountline 同admin  同事....

呢個人之前仲好勁咁話 "比d人講1,2句同1,2張唔知咩0黎的紙就由唔收變收,咁我咪好"流"???" ...講到尾..呢個唔係"流"同"堅"的問題....係有冇時間的問題...人地可以用近成年時間拿綜援,唔搵工做同你鬥要讀呢個為期兩個月都唔夠的course...我地無時間同佢玩.....

好聽咪叫有彈性...唔好聽叫double standard, 無原則....

2. 上司1 過左probation請我地飲茶, 飯局尾聲...埋左單先送碟腸粉來...上司提議打包...但要收2蚊...上司2開口同阿姐嘈,話係酒樓錯唔肯比...上司1  就話比左"家和萬事興, 唔好咁計較...睇吓, $2有發泡膠盒、筷子、醬料盒..幾抵!!!"...從事件可以看透兩人性格, 亦知道邊個先係好上司

3.  星期六做 expo要請helpers ..根據公司規舉, 返工唔夠8個鐘唔可以有lunch break , 於是我同helper 講無lunch break....上司2 話"我唔想做到咁mean"...叫我同helper 講返工唔夠8個鐘都可以有lunch break ,但no pay...結果expo當日...上司2在於我出左去時鬧helper "我請你唔係返0黎座,你要出去幫手派吓野...." (其實個helper有做,只是沒有企出counter ) 結果我回來見helper態度變左,唔多出聲...我同helper講 "上司來了, 佢可能嚴d,捉正來做,不用太緊張"...之後先知helper 比上司2 "省左獲金" .....我講0既野變左多餘....仲令helper 難受 ...原來"mean" 與 "唔mean" ,視乎"what do you mean"

4. 公司要提名老師參加「傑出教師獎」,而在課程學生眼中,他們想提名老師A老師同老師B,但最後被提名的是老師C和老師D,原因是老師A老師同老師B不是 full time staff,老師D幫我地教好多high profit 的課程同埋佢地位「德高望重」...連教育界都係咁,年尾d樂壇頒獎禮大家真係不用太上心呢!!!!!

5. 有學生去飲茶完有紙免費點心券送比我,由於我一向少去酒樓,將佢轉送比上司2, 上司2 竟然話 "30號過期你唔好遲d先比我???唔要"....o左咀

6. 有學生自製冰皮月餅請大家食....我好唔客氣咁試左,味道仲唔錯...但其他同事全部唔食...仲話"你唔驚學生落毒害你,你敢食??"我就覺得芣難得學生心意唔好咁諗人....之不過食左之後...下午 4點幾開始胃痛頭暈...令晚上shabu取消....終於明白點解其他同事唔肯食...

原來好人是會被趕...衰人是逼出來的...

工作世界的人事...真係讀到PHD 都學不完....